সূক্ত 17

17.1

৯ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। ইন্দ্রঃ। জগতী, ৮-৯ ত্রিষ্টুপ্।

তদস্মৈ নব্যমঙ্গিরস্বদর্চত শুষ্মা যদস্য প্রত্নথোদীরতে ।
বিশ্বা যদ্ গোত্রা সহসা পরীবৃতা মদে সোমস্য দৃংহিতান্যৈরয়ৎ ॥১॥

স ভূতু যো হ প্রথমায় ধায়স ওজো মিমানো মহিমানমাতিরৎ ।
শূরো যো যুত্সু তন্বং পরিব্যত শীর্ষণি দ্যাং মহিনা প্রত্যমুঞ্চত ॥২॥

অধাকৃণোঃ প্রথমং বীর্যং মহদ্ যদস্যাগ্রে ব্রহ্মণা শুষ্মমৈরয়ঃ ।
রথেষ্ঠেন হর্যশ্বেন বিচ্যুতাঃ প্র জীরয়ঃ সিস্রতে সধ্র্য১ক্পৃথক্ ॥৩॥

অধা যো বিশ্বা ভুবনাভি মজ্মনেশানকৃৎ প্রবয়া অভ্যবর্ধত ।
আদ্ রোদসী জ্যোতিষা বহ্নিরাতনোৎ সীব্যন্ তমাংসি দুধিতা সমব্যয়ৎ ॥৪॥

স প্রাচীনান্ পর্বতান্ দৃংহদোজসা ঽধরাচীনমকৃণোদপামপঃ ।
অধারয়ৎ পৃথিবীং বিশ্বধায়সমস্তভ্নান্মায়য়া দ্যামবস্রসঃ ॥৫॥

সাস্মা অরং বাহুভ্যাং যং পিতাকৃণোদ্বিশ্বস্মাদা জনুষো বেদসস্পরি ।
যেনা পৃথিব্যাং নি ক্রিবিং শয়ধ্যৈ বজ্রেণ হত্ব্যবৃণক্ তুবিষ্বণিঃ ॥৬॥

অমাজূরিব পিত্রোঃ সচা সতী সমানাদা সদসস্ত্বামিয়ে ভগম্ ।
কৃধি প্রকেতমুপ মাস্যা ভর দদ্ধি ভাগং তন্বো৩ যেন মামহঃ ॥৭॥

ভোজং ত্বামিন্দ্র বয়ং হুবেম দদিষ্ট্বমিন্দ্রাপাংসি বাজান্ ।
অবিড্ঢীন্দ্র চিত্রয়া ন ঊতী কৃধি বৃষন্নিন্দ্র বস্যসো নঃ ॥৮॥

নূনং সা তে প্রতি বরং জরিত্রে দুহীয়দিন্দ্র দক্ষিণা মঘোনী ।
শিক্ষা স্তোতৃভ্যো মাতি ধগ্ভগো নো বৃহদ্ বদেম বিদথে সুবীরাঃ ॥৯॥