সূক্ত 9

9.1

৯ ত্রিশিরাস্ত্বাষ্ট্রঃ,সিন্ধুদ্বীপ আম্বরীষো বা। আপঃ। গায়ত্রী,৫ বর্ধমানা গায়ত্রী, ৭ প্রতিষ্ঠা গায়ত্রী, ৮ -৯ অনুষ্টুপ্।

আপো হি ষ্ঠা ময়োভুবস্তা ন ঊর্জে দধাতন । মহে রণায় চক্ষসে ॥১॥

9.2

যো বঃ শিবতমো রসস্তস্য ভাজয়তেহ নঃ । উশতীরিব মাতরঃ ॥২॥

9.3

তস্মা অরং গমাম বো যস্য ক্ষয়ায় জিন্বথ । আপো জনয়থা চ নঃ ॥৩॥

9.4

শং নো দেবীরভিষ্টয় আপো ভবন্তু পীতয়ে । শং যোরভি স্রবন্তু নঃ ॥৪॥

9.5

ঈশানা বার্যাণাং ক্ষয়ন্তীশ্চর্ষণীনাম্ । অপো যাচামি ভেষজম্ ॥৫॥

9.6

অপ্সু মে সোমো অব্রবীদন্তর্বিশ্বানি ভেষজা । অগ্নিং চ বিশ্বশম্ভুবম্ ॥৬॥

9.7

আপঃ পৃণীত ভেষজং বরূথং তন্বে৩ মম । জ্যোক্চ সূর্যং দৃশে ॥৭॥

9.8

ইদমাপঃ প্র বহত যত্কিং চ দুরিতং ময়ি । যদ্বাহমভিদুদ্রোহ যদ্বা শেপ উতানৃতম্ ॥৮॥

9.9

আপো অদ্যান্বচারিষং রসেন সমগস্মহি । পয়স্বানগ্ন আ গহি তং মা সং সৃজ বর্চসা ॥৯॥