সূক্ত 80

80.1

৭ সৌচীকোঽগ্নির্বৈশ্বানরো বা, সপ্তির্বাজংভরো বা। অগ্নিঃ। ত্রিষ্টুপ্।

অগ্নিঃ সপ্তিং বাজম্ভরং দদাত্যগ্নির্বীরং শ্রুত্যং কর্মনিষ্ঠাম্ ।
অগ্নী রোদসী বি চরত্সমঞ্জন্নগ্নির্নারীং বীরকুক্ষিং পুরংধিম্ ॥১॥

80.2

অগ্নেরপ্নসঃ সমিদস্তু ভদ্রাঽগ্নির্মহী রোদসী আ বিবেশ ।
অগ্নিরেকং চোদয়ত্সমত্স্বগ্নির্বৃত্রাণি দয়তে পুরূণি ॥২॥

80.3

অগ্নির্হ ত্যং জরতঃ কর্ণমাবাঽগ্নিরদ্ভ্যো নিরদহজ্জরূথম্ ।
অগ্নিরত্রিং ঘর্ম উরুষ্যদন্তরগ্নির্নৃমেধং প্রজয়াসৃজত্সম্ ॥৩॥

80.4

অগ্নির্দাদ্দ্রবিণং বীরপেশা অগ্নিৠষিং যঃ সহস্রা সনোতি ।
অগ্নির্দিবি হব্যমা ততানাঽগ্নের্ধামানি বিভৃতা পুরুত্রা ॥৪॥

80.5

অগ্নিমুক্থৈৠষয়ো বি হ্বয়ন্তেঽগ্নিং নরো যামনি বাধিতাসঃ ।
অগ্নিং বয়ো অন্তরিক্ষে পতন্তোঽগ্নিঃ সহস্রা পরি যাতি গোনাম্ ॥৫॥

80.6

অগ্নিং বিশ ঈলতে মানুষীর্যা অগ্নিং মনুষো নহুষো বি জাতাঃ ।
অগ্নির্গান্ধর্বীং পথ্যামৃতস্যাঽগ্নের্গব্যূতির্ঘৃত আ নিষত্তা ॥৬॥

80.7

অগ্নয়ে ব্রহ্ম ঋভবস্ততক্ষুরগ্নিং মহামবোচামা সুবৃক্তিম্ ।
অগ্নে প্রাব জরিতারং যবিষ্ঠাঽগ্নে মহি দ্রবিণমা যজস্ব ॥৭॥