সূক্ত 76

76.1

৮ সর্প ঐরাবতো জরত্কর্ণঃ। গ্রাবাণঃ। জগতী।

আ ব ঋঞ্জস ঊর্জাং ব্যুষ্টিষ্বিন্দ্রং মরুতো রোদসী অনক্তন ।
উভে যথা নো অহনী সচাভুবা সদঃসদো বরিবস্যাত উদ্ভিদা ॥১॥

76.2

তদু শ্রেষ্ঠং সবনং সুনোতনাঽত্যো ন হস্তয়তো অদ্রিঃ সোতরি ।
বিদদ্ধ্য১র্যো অভিভূতি পৌংস্যং মহো রায়ে চিত্তরুতে যদর্বতঃ ॥২॥

76.3

তদিদ্ধ্যস্য সবনং বিবেরপো যথা পুরা মনবে গাতুমশ্রেৎ ।
গোঅর্ণসি ত্বাষ্ট্রে অশ্বনির্ণিজি প্রেমধ্বরেষ্বধ্বরাঁ অশিশ্রয়ুঃ ॥৩॥

76.4

অপ হত রক্ষসো ভঙ্গুরাবত স্কভায়ত নিৠতিং সেধতামতিম্ ।
আ নো রয়িং সর্ববীরং সুনোতন দেবাব্যং ভরত শ্লোকমদ্রয়ঃ ॥৪॥

76.5

দিবশ্চিদা বোঽমবত্তরেভ্যো বিভ্বনা চিদাশ্বপস্তরেভ্যঃ ।
বায়োশ্চিদা সোমরভস্তরেভ্যোঽগ্নেশ্চিদর্চ পিতুকৃত্তরেভ্যঃ ॥৫॥

76.6

ভুরন্তু নো যশসঃ সোত্বন্ধসো গ্রাবাণো বাচা দিবিতা দিবিত্মতা ।
নরো যত্র দুহতে কাম্যং মধ্বাঘোষয়ন্তো অভিতো মিথস্তুরঃ ॥৬॥

76.7

সুন্বন্তি সোমং রথিরাসো অদ্রয়ো নিরস্য রসং গবিষো দুহন্তি তে ।
দুহন্ত্যূধরুপসেচনায় কং নরো হব্যা ন মর্জয়ন্ত আসভিঃ ॥৭॥

76.8

এতে নরঃ স্বপসো অভূতন য ইন্দ্রায় সুনুথ সোমমদ্রয়ঃ ।
বামংবামং বো দিব্যায় ধাম্নে বসুবসু বঃ পার্থিবায় সুন্বতে ॥৮॥