সূক্ত 74

74.1

৬ গৌরিবীতিঃশাক্ত্যঃ। ইন্দ্রঃ। ত্রিষ্টুপ্।

বসূনাং বা চর্কৃষ ইয়ক্ষন্ধিয়া বা যজ্ঞৈর্বা রোদস্যোঃ ।
অর্বন্তো বা যে রয়িমন্তঃ সাতৌ বনংঅ বা যে সুশ্রুণং সুশ্রুতো ধুঃ ॥১॥

হব এষামসুরো নক্ষত দ্যাং শ্রবস্যতা মনসা নিংসত ক্ষাম্ ।
চক্ষাণা যত্র সুবিতায় দেবা দ্যৌর্ন বারেভিঃ কৃণবন্ত স্বৈঃ ॥২॥

ইয়মেষামমৃতানাং গীঃ সর্বতাতা যে কৃপণন্ত রত্নম্ ।
ধিয়ং চ যজ্ঞং চ সাধন্তস্তে নো ধান্তু বসব্য১মসামি ॥৩॥

আ তত্ত ইন্দ্রায়বঃ পনন্তাঽভি য ঊর্বং গোমন্তং তিতৃত্সান্ ।
সকৃত্স্বং১ যে পুরুপুত্রাং মহীং সহস্রধারাং বৃহতীং দুদুক্ষন্ ॥৪॥

শচীব ইন্দ্রমবসে কৃণুধ্বমনানতং দময়ন্তং পৃতন্যূন্ ।
ঋভুক্ষণং মঘবানং সুবৃক্তিং ভর্তা যো বজ্রং নর্যং পুরুক্ষুঃ ॥৫॥

যদ্বাবান পুরুতমং পুরাষালা বৃত্রহেন্দ্রো নামান্যপ্রাঃ ।
অচেতি প্রাসহস্পতিস্তুবিষ্মান্যদীমুশ্মসি কর্তবে করত্তৎ ॥৬॥