সূক্ত 68

68.1

১২ অয়াস্য আংগিরসঃ। বৃহস্পতিঃ। ত্রিষ্টুপ্।

উদপ্রুতো ন বয়ো রক্ষমাণা বাবদতো অভ্রিয়স্যেব ঘোষাঃ ।
গিরিভ্রজো নোর্ময়ো মদন্তো বৃহস্পতিমভ্য১র্কা অনাবন্ ॥১॥

সং গোভিরাঙ্গিরসো নক্ষমাণো ভগ ইবেদর্যমণং নিনায় ।
জনে মিত্রো ন দম্পতী অনক্তি বৃহস্পতে বাজয়াশূঁরিবাজৌ ॥২॥

সাধ্বর্যা অতিথিনীরিষিরাঃ স্পার্হাঃ সুবর্ণা অনবদ্যরূপাঃ ।
বৃহস্পতিঃ পর্বতেভ্যো বিতূর্যা নির্গা ঊপে যবমিব স্থিবিভ্যঃ ॥৩॥

আপ্রুষায়ন্মধুন ঋতস্য যোনিমবক্ষিপন্নর্ক উল্কামিব দ্যোঃ ।
বৃহস্পতিরুদ্ধরন্নশ্মনো গা ভূম্যা উদ্নেব বি ত্বচং বিভেদ ॥৪॥

অপ জ্যোতিষা তমো অন্তরিক্ষাদুদ্নঃ শীপালমিব বাত আজৎ ।
বৃহস্পতিরনুমৃশ্যা বলস্যাঽভ্রমিব বাত আ চক্র আ গাঃ ॥৫॥

যদা বলস্য পীয়তো জসুং ভেদ্বৃহস্পতিরগ্নিতপোভিরর্কৈঃ ।
দদ্ভির্ন জিহ্বা পরিবিষ্টমাদদাবির্নিধীঁরকৃণোদুস্রিয়াণাম্ ॥৬॥

বৃহস্পতিরমত হি ত্যদাসাং নাম স্বরীণাং সদনে গুহা যৎ ।
আণ্ডেব ভিত্ত্বা শকুনস্য গর্ভমুদুস্রিয়াঃ পর্বতস্য ত্মনাজৎ ॥৭॥

অশ্নাপিনদ্ধং মধু পর্যপশ্যন্মত্স্যং ন দীন উদনি ক্ষিয়ন্তম্ ।
নিষ্টজ্জভার চমসং ন বৃক্ষাদ্বৃহস্পতির্বিরবেণা বিকৃত্য ॥৮॥

সোষামবিন্দত্স স্ব১ঃ সো অগ্নিং সো অর্কেণ বি ববাধে তমাংসি ।
বৃহস্পতির্গোবপুষো বলস্য নির্মজ্জানং ন পর্বণো জভার ॥৯॥

হিমেব পর্ণা মুষিতা বনানি বৃহস্পতিনাকৃপয়দ্বলো গাঃ ।
অনানুকৃত্যমপুনশ্চকার যাত্সূর্যামাসা মিথ উচ্চরাতঃ ॥১০॥

অভি শ্যাবং ন কৃশনেভিরশ্বং নক্ষত্রেভিঃ পিতরো দ্যামপিংশন্ ।
রাত্র্যাং তমো অদধুর্জ্যোতিরহন্বৃহস্পতির্ভিনদদ্রিং বিদদ্গাঃ ॥১১॥

ইদমকর্ম নমো অভ্রিয়ায় যঃ পূর্বীরন্বানোনবীতি ।
বৃহস্পতিঃ স হি গোভিঃ সো অশ্বৈঃ স বীরেভিঃ স নৃভির্নো বয়ো ধাৎ ॥১২॥