সূক্ত 49

49.1

১১ বৈকুণ্ঠ ইন্দ্রঃ। ইন্দ্রঃ। জগতীঃ, ২-১১ ত্রিষ্টুপ্।

অহং দাং গৃণতে পূর্ব্যং বস্বহং ব্রহ্ম কৃণবং মহ্যং বর্ধনম্ ।
অহং ভুবং যজমানস্য চোদিতায়জ্বনঃ সাক্ষি বিশ্বস্মিন্ভরে ॥১॥

49.2

মাং ধুরিন্দ্রং নাম দেবতা দিবশ্চ গ্মশ্চাপাং চ জন্তবঃ ।
অহং হরী বৃষণা বিব্রতা রঘূ অহং বজ্রং শবসে ধৃষ্ণ্বা দদে ॥২॥

49.3

অহমত্কং কবয়ে শিশ্নথং হথৈরহং কুত্সমাবমাভিরূতিভিঃ ।
অহং শুষ্ণস্য শ্নথিতা বধর্যমং ন যো রর আর্যং নাম দস্যবে ॥৩॥

49.4

অহং পিতেব বেতসূঁরভিষ্টয়ে তুগ্রং কুত্সায় স্মদিভং চ রন্ধয়ম্ ।
অহং ভুবং যজমানস্য রাজনি প্র যদ্ভরে তুজয়ে ন প্রিয়াধৃষে ॥৪॥

49.5

অহং রন্ধয়ং মৃগয়ং শ্রুতর্বণে যন্মাজিহীত বয়ুনা চনানুষক্ ।
অহং বেশং নম্রমায়বেঽকরমহং সব্যায় পড্গৃভিমরন্ধয়ম্ ॥৫॥

49.6

অহং স যো নববাস্ত্বং বৃহদ্রথং সং বৃত্রেব দাসং বৃত্রহারুজম্ ।
যদ্বর্ধয়ন্তং প্রথয়ন্তমানুষগ্দূরে পারে রজসো রোচনাকরম্ ॥৬॥

49.7

অহং সূর্যস্য পরি যাম্যাশুভিঃ প্রৈতশেভির্বহমান ওজসা ।
যন্মা সাবো মনুষ আহ নির্ণিজ ঋধক্কৃষে দাসং কৃত্ব্যং হথৈঃ ॥৭॥

49.8

অহং সপ্তহা নহুষো নহুষ্টরঃ প্রাশ্রাবয়ং শবসা তুর্বশং যদুম্ ।
অহং ন্য১ন্যং সহসা সহস্করং নব ব্রাধতো নবতিং চ বক্ষয়ম্ ॥৮॥

49.9

অহং সপ্ত স্রবতো ধারয়ং বৃষা দ্রবিত্ন্বঃ পৃথিব্যাং সীরা অধি ।
অহমর্ণাংসি বি তিরামি সুক্রতুর্যুধা বিদং মনবে গাতুমিষ্টয়ে ॥৯॥

49.10

অহং তদাসু ধারয়ং যদাসু ন দেবশ্চন ত্বষ্টাধারয়দ্রুশৎ ।
স্পার্হং গবামূধস্সু বক্ষণাস্বা মধোর্মধু শ্বাত্র্যং সোমমাশিরম্ ॥১০॥

49.11

এবা দেবাঁ ইন্দ্রো বিব্যে নৄন্প্র চ্যৌত্নেন মঘবা সত্যরাধাঃ ।
বিশ্বেত্তা তে হরিবঃ শচীবোঽভি তুরাসঃ স্বয়শো গৃণন্তি ॥১১॥