সূক্ত 26

26.1

৯ ঐন্দ্রো বিমদঃ, প্রাজাপত্যো বা, বাসুক্রো বসুকৃদ্বা।পূষা। অনুষ্টুপ্ ,১,৪ উষ্ণিক্।

প্র হ্যচ্ছা মনীষা স্পার্হা যন্তি নিয়ুতঃ । প্র দস্রা নিয়ুদ্রথঃ পূষা অবিষ্টু মাহিনঃ ॥১॥

26.2

যস্য ত্যন্মহিত্বং বাতাপ্যময়ং জনঃ । বিপ্র আ বংসদ্ধীতিভিশ্চিকেত সুষ্টুতীনাম্ ॥২॥

26.3

স বেদ সুষ্টুতীনামিন্দুর্ন পূষা বৃষা । অভি প্সুরঃ প্রুষায়তি ব্রজং ন আ প্রুষায়তি ॥৩॥

26.4

মংসীমহি ত্বা বয়মস্মাকং দেব পূষন্ । মতীনাং চ সাধনং বিপ্রাণাং চাধবম্ ॥৪॥

26.5

প্রত্যর্ধির্যজ্ঞানামশ্বহয়ো রথানাম্ । ঋষিঃ স যো মনুর্হিতো বিপ্রস্য যাবয়ত্সখঃ ॥৫॥

26.6

আধীষমাণায়াঃ পতিঃ শুচায়াশ্চ শুচস্য চ । বাসোবায়োঽবীনামা বাসাংসি মর্মৃজৎ ॥৬॥

26.7

ইনো বাজানাং পতিরিনঃ পুষ্টীনাং সখা । প্র শ্মশ্রু হর্যতো দূধোদ্বি বৃথা যো অদাভ্যঃ ॥৭॥

26.8

আ তে রথস্য পূষন্নজা ধুরং ববৃত্যুঃ । বিশ্বস্যার্থিনঃ সখা সনোজা অনপচ্যুতঃ ॥৮॥

26.9

অস্মাকমূর্জা রথং পূষা অবিষ্টু মাহিনঃ । ভুবদ্বাজানাং বৃধ ইমং নঃ শৃণবদ্ধবম্ ॥৯॥