সূক্ত 25

25.1

১১ ঐন্দ্রো বিমদঃ প্রাজাপত্যো বা, বাসুক্রো বসুকৃদ্বা। সোমঃ। আস্তারপংক্তিঃ।

ভদ্রং নো অপি বাতয় মনো দক্ষমুত ক্রতুম্ ।
অধা তে সখ্যে অন্ধসো বি বো মদে রণন্গাবো ন যবসে বিবক্ষসে ॥১॥

হৃদিস্পৃশস্ত আসতে বিশ্বেষু সোম ধামসু ।
অধা কামা ইমে মম বি বো মদে বি তিষ্ঠন্তে বসূয়বো বিবক্ষসে ॥২॥

উত ব্রতানি সোম তে প্রাহং মিনামি পাক্যা ।
অধা পিতেব সূনবে বি বো মদে মৃলা নো অভি চিদ্বধাদ্বিবক্ষসে ॥৩॥

সমু প্র যন্তি ধীতয়ঃ সর্গাসোঽবতাঁ ইব ।
ক্রতুং নঃ সোম জীবসে বি বো মদে ধারয়া চমসাঁ ইব বিবক্ষসে ॥৪॥

তব ত্যে সোম শক্তিভির্নিকামাসো ব্যৃণ্বিরে ।
গৃত্সস্য ধীরাস্তবসো বি বো মদে ব্রজং গোমন্তমশ্বিনং বিবক্ষসে ॥৫॥

পশুং নঃ সোম রক্ষসি পুরুত্রা বিষ্ঠিতং জগৎ ।
সমাকৃণোষি জীবসে বি বো মদে বিশ্বা সম্পশ্যন্ভুবনা বিবক্ষসে ॥৬॥

ত্বং নঃ সোম বিশ্বতো গোপা অদাভ্যো ভব । সেধ রাজন্নপ স্রিধো বি বো মদে মা নো দুঃশংস ঈশতা বিবক্ষসে ॥৭॥

ত্বং নঃ সোম সুক্রতুর্বয়োধেয়ায় জাগৃহি । ক্ষেত্রবিত্তরো মনুষো বি বো মদে দ্রুহো নঃ পাহ্যংহসো বিবক্ষসে ॥৮॥

ত্বং নো বৃত্রহন্তমেন্দ্রস্যেন্দো শিবঃ সখা । যত্সীং হবন্তে সমিথে বি বো মদে যুধ্যমানাস্তোকসাতৌ বিবক্ষসে ॥৯॥

অয়ং ঘ স তুরো মদ ইন্দ্রস্য বর্ধত প্রিয়ঃ । অয়ং কক্ষীবতো মহো বি বো মদে মতিং বিপ্রস্য বর্ধয়দ্বিবক্ষসে ॥১০॥

অয়ং বিপ্রায় দাশুষে বাজাঁ ইয়র্তি গোমতঃ । অয়ং সপ্তভ্য আ বরং বি বো মদে প্রান্ধং শ্রোণং চ তারিষদ্বিবক্ষসে ॥১১॥