সূক্ত 24

24.1

৬ ঐন্দ্রো বিমদঃ, প্রাজাপত্যো বা, বাসুক্রো বসুকৃদ্বা। ইন্দ্রঃ। ৪-৬ অশ্বিনৌ। আস্তারপংক্তিঃ, ৪-৬ অনুষ্টুপ্।

ইন্দ্র সোমমিমং পিব মধুমন্তং চমূ সুতম্ । অস্মে রয়িং নি ধারয় বি বো মদে সহস্রিণং পুরূবসো বিবক্ষসে ॥১॥

24.2

ত্বাং যজ্ঞেভিরুক্থৈরুপ হব্যেভিরীমহে । শচীপতে শচীনাং বি বো মদে শ্রেষ্ঠং নো ধেহি বার্যং বিবক্ষসে ॥২॥

24.3

যস্পতির্বার্যাণামসি রধ্রস্য চোদিতা । ইন্দ্র স্তোতৄণামবিতা বি বো মদে দ্বিষো নঃ পাহ্যংহসো বিবক্ষসে ॥৩॥

24.4

যুবং শক্রা মায়াবিনা সমীচী নিরমন্থতম্ । বিমদেন যদীলিতা নাসত্যা নিরমন্থতম্ ॥৪॥

24.5

বিশ্বে দেবা অকৃপন্ত সমীচ্যোর্নিষ্পতন্ত্যোঃ । নাসত্যাবব্রুবন্দেবাঃ পুনরা বহতাদিতি ॥৫॥

24.6

মধুমন্মে পরায়ণং মধুমত্পুনরায়নম্ । তা নো দেবা দেবতয়া যুবং মধুমতস্কৃতম্ ॥৬॥