সূক্ত 23

23.1

৭ ঐন্দ্রো বিমদঃ প্রাজাপত্যো বা, বাসুক্রো বসুকৃদ্বা।ইন্দ্রঃ। জগতীঃ ১,৭ ত্রিষ্টুপ্ ,৫ অভিসারিণী।

যজামহ ইন্দ্রং বজ্রদক্ষিণং হরীণাং রথ্যং১ বিব্রতানাম্ ।
প্র শ্মশ্রু দোধুবদূর্ধ্বথা ভূদ্বি সেনাভির্দয়মানো বি রাধসা ॥১॥

23.2

হরী ন্বস্য যা বনে বিদে বস্বিন্দ্রো মঘৈর্মঘবা বৃত্রহা ভুবৎ ।
ঋভুর্বাজ ঋভুক্ষাঃ পত্যতে শবোঽব ক্ষ্ণৌমি দাসস্য নাম চিৎ ॥২॥

23.3

যদা বজ্রং হিরণ্যমিদথা রথং হরী যমস্য বহতো বি সূরিভিঃ ।
আ তিষ্ঠতি মঘবা সনশ্রুত ইন্দ্রো বাজস্য দীর্ঘশ্রবসস্পতিঃ ॥৩॥

23.4

সো চিন্নু বৃষ্টির্যূথ্যা৩ স্বা সচাঁ ইন্দ্রঃ শ্মশ্রূণি হরিতাভি প্রুষ্ণুতে ।
অব বেতি সুক্ষয়ং সুতে মধূদিদ্ধূনোতি বাতো যথা বনম্ ॥৪॥

23.5

যো বাচা বিবাচো মৃধ্রবাচঃ পুরূ সহস্রাশিবা জঘান ।
তত্তদিদস্য পৌংস্যং গৃণীমসি পিতেব যস্তবিষীং বাবৃধে শবঃ ॥৫॥

23.6

স্তোমং ত ইন্দ্র বিমদা অজীজনন্নপূর্ব্যং পুরুতমং সুদানবে ।
বিদ্মা হ্যস্য ভোজনমিনস্য যদা পশুং ন গোপাঃ করামহে ॥৬॥

23.7

মাকির্ন এনা সখ্যা বি যৌষুস্তব চেন্দ্র বিমদস্য চ ঋষেঃ ।
বিদ্মা হি তে প্রমতিং দেব জামিবদস্মে তে সন্তু সখ্যা শিবানি ॥৭॥