সূক্ত 178

178.1

৩ অরিষ্টনেমিস্তার্ক্ষ্যঃ। তার্ক্ষ্যঃ। ত্রিষ্টুপ্।

ত্যমূ ষু বাজিনং দেবজূতং সহাবানং তরুতারং রথানাম্ ।
অরিষ্টনেমিং পৃতনাজমাশুং স্বস্তয়ে তার্ক্ষ্যমিহা হুবেম ॥১॥

178.2

ইন্দ্রস্যেব রাতিমাজোহুবানাঃ স্বস্তয়ে নাবমিবা রুহেম ।
উর্বী ন পৃথ্বী বহুলে গভীরে মা বামেতৌ মা পরেতৌ রিষাম ॥২॥

178.3

সদ্যশ্চিদ্যঃ শবসা পঞ্চ কৃষ্টীঃ সূর্য ইব জ্যোতিষাপস্ততান ।
সহস্রসাঃ শতসা অস্য রংহির্ন স্মা বরন্তে যুবতিং ন শর্যাম্ ॥৩॥