Sukta 178

178.1

3 arishtanemistarkshyah, tarkshyah, trishtup

त्यमू॒ षु वा॒जिनं॑ दे॒वजू॑तं स॒हावा॑नं तरु॒तारं॒ रथा॑नाम् ।
अरि॑ष्टनेमिं पृत॒नाज॑मा॒शुं स्व॒स्तये॒ तार्क्ष्य॑मि॒हा हु॑वेम ॥१॥

Tyamu shu vajinam devajutam sahavanam tarutaram rathanam
Arishtanemim pritanajamashum svastaye tarkshyamiha huvema

इन्द्र॑स्येव रा॒तिमा॒जोहु॑वानाः स्व॒स्तये॒ नाव॑मि॒वा रु॑हेम ।
उर्वी॒ न पृथ्वी॒ बहु॑ले॒ गभी॑रे॒ मा वा॒मेतौ॒ मा परे॑तौ रिषाम ॥२॥

Indrasyeva ratimajohuvanah svastaye navamiva ruhema
Urvi na prithvi bahule gabhire ma vametau ma paretau rishama

स॒द्यश्चि॒द्यः शव॑सा॒ पञ्च॑ कृ॒ष्टीः सूर्य॑ इव॒ ज्योति॑षा॒पस्त॒तान॑ ।
स॒ह॒स्र॒साः श॑त॒सा अ॑स्य॒ रंहि॒र्न स्मा॑ वरन्ते युव॒तिं न शर्या॑म् ॥३॥

Sadyashchidyah shavasa pancha krishtih surya iva jyotishapastatana
Sahasrasah shatasa asya ranhirna sma varante yuvatim na sharyam