Sukta 177

177.1

3 patangah prajapatyah, mayabhedah, trishtup, 1 jagati

प॒तं॒गम॒क्तमसु॑रस्य मा॒यया॑ हृ॒दा प॑श्यन्ति॒ मन॑सा विप॒श्चित॑ः ।
स॒मु॒द्रे अ॒न्तः क॒वयो॒ वि च॑क्षते॒ मरी॑चीनां प॒दमि॑च्छन्ति वे॒धस॑ः ॥१॥

Patangamaktamasurasya mayaya hrida pashyanti manasa vipashchitah
Samudre antah kavayo vi chakshate marichinam padamichchhanti vedhasah

प॒तं॒गो वाचं॒ मन॑सा बिभर्ति॒ तां ग॑न्ध॒र्वो॑ऽवद॒द्गर्भे॑ अ॒न्तः ।
तां द्योत॑मानां स्व॒र्यं॑ मनी॒षामृ॒तस्य॑ प॒दे क॒वयो॒ नि पा॑न्ति ॥२॥

Patango vacham manasa bibharti tam gandharvovadadgarbhe antah
Tam dyotamanam svaryam manishamritasya pade kavayo ni panti

अप॑श्यं गो॒पामनि॑पद्यमान॒मा च॒ परा॑ च प॒थिभि॒श्चर॑न्तम् ।
स स॒ध्रीची॒ः स विषू॑ची॒र्वसा॑न॒ आ व॑रीवर्ति॒ भुव॑नेष्व॒न्तः ॥३॥

Apashyam gopamanipadyamanama cha para cha pathibhishcharantam
Sa sadhrichih sa vishuchirvasana a varivarti bhuvaneshvantah