সূক্ত 177

177.1

৩ পতংগঃ প্রাজাপত্যঃ। মায়াভেদঃ। ত্রিষ্টুপ্। ১ জগতী।

পতংগমক্তমসুরস্য মায়য়া হৃদা পশ্যন্তি মনসা বিপশ্চিতঃ ।
সমুদ্রে অন্তঃ কবয়ো বি চক্ষতে মরীচীনাং পদমিচ্ছন্তি বেধসঃ ॥১॥

177.2

পতংগো বাচং মনসা বিভর্তি তাং গন্ধর্বোঽবদদ্গর্ভে অন্তঃ ।
তাং দ্যোতমানাং স্বর্যং মনীষামৃতস্য পদে কবয়ো নি পান্তি ॥২॥

177.3

অপশ্যং গোপামনিপদ্যমানমা চ পরা চ পথিভিশ্চরন্তম্ ।
স সধ্রীচীঃ স বিষূচীর্বসান আ বরীবর্তি ভুবনেষ্বন্তঃ ॥৩॥