সূক্ত 13

13.1

৫ আঙ্গির্হবির্ধানঃ। বিবস্বানাদিত্যো বা। হবির্ধানে। ত্রিষ্টুপ্, ৫ জগতী।

যুজে বাং ব্রহ্ম পূর্ব্যং নমোভির্বি শ্লোক এতু পথ্যেব সূরেঃ ।
শৃণ্বন্তু বিশ্বে অমৃতস্য পুত্রা আ যে ধামানি দিব্যানি তস্থুঃ ॥১॥

13.2

যমে ইব যতমানে যদৈতং প্র বাং ভরন্মানুষা দেবয়ন্তঃ ।
আ সীদতং স্বমু লোকং বিদানে স্বাসস্থে ভবতমিন্দবে নঃ ॥২॥

13.3

পঞ্চ পদানি রুপো অন্বরোহং চতুষ্পদীমন্বেমি ব্রতেন ।
অক্ষরেণ প্রতি মিম এতামৃতস্য নাভাবধি সং পুনামি ॥৩॥

13.4

দেবেভ্যঃ কমবৃণীত মৃত্যুং প্রজায়ৈ কমমৃতং নাবৃণীত ।
বৃহস্পতিং যজ্ঞমকৃণ্বত ঋষিং প্রিয়াং যমস্তন্বং১ প্রারিরেচীৎ ॥৪॥

13.5

সপ্ত ক্ষরন্তি শিশবে মরুত্বতে পিত্রে পুত্রাসো অপ্যবীবতন্নৃতম্ ।
উভে ইদস্যোভয়স্য রাজত উভে যতেতে উভয়স্য পুষ্যতঃ ॥৫॥