Sukta 13

13.1

5 angirhavirdhanah, vivasvanadityo va, havirdhane, trishtup, 5 jagati

यु॒जे वां॒ ब्रह्म॑ पू॒र्व्यं नमो॑भि॒र्वि श्लोक॑ एतु प॒थ्ये॑व सू॒रेः ।
शृ॒ण्वन्तु॒ विश्वे॑ अ॒मृत॑स्य पु॒त्रा आ ये धामा॑नि दि॒व्यानि॑ त॒स्थुः ॥१॥

Yuje vam brahma purvyam namobhirvi shloka etu pathyeva sureh
Shrinvantu vishve amritasya putra a ye dhamani divyani tasthuh

13.2

य॒मे इ॑व॒ यत॑माने॒ यदैतं॒ प्र वां॑ भर॒न्मानु॑षा देव॒यन्त॑ः ।
आ सी॑दतं॒ स्वमु॑ लो॒कं विदा॑ने स्वास॒स्थे भ॑वत॒मिन्द॑वे नः ॥२॥

Yame iva yatamane yadaitam pra vam bharanmanusha devayantah
A sidatam svamu lokam vidane svasasthe bhavatamindave nah

13.3

पञ्च॑ प॒दानि॑ रु॒पो अन्व॑रोहं॒ चतु॑ष्पदी॒मन्वे॑मि व्र॒तेन॑ ।
अ॒क्षरे॑ण॒ प्रति॑ मिम ए॒तामृ॒तस्य॒ नाभा॒वधि॒ सं पु॑नामि ॥३॥

Pancha padani rupo anvaroham chatushpadimanvemi vratena
Aksharena prati mima etamritasya nabhavadhi sam punami

13.4

दे॒वेभ्य॒ः कम॑वृणीत मृ॒त्युं प्र॒जायै॒ कम॒मृतं॒ नावृ॑णीत ।
बृह॒स्पतिं॑ य॒ज्ञम॑कृण्वत॒ ऋषिं॑ प्रि॒यां य॒मस्त॒न्वं१ प्रारि॑रेचीत् ॥४॥

Devebhyah kamavrinita mrityum prajayai kamamritam navrinita
Brihaspatim yagyamakrinvata rishim priyam yamastanvan1 prarirechit

13.5

स॒प्त क्ष॑रन्ति॒ शिश॑वे म॒रुत्व॑ते पि॒त्रे पु॒त्रासो॒ अप्य॑वीवतन्नृ॒तम् ।
उ॒भे इद॑स्यो॒भय॑स्य राजत उ॒भे य॑तेते उ॒भय॑स्य पुष्यतः ॥५॥

Sapta ksharanti shishave marutvate pitre putraso apyavivatannritam
Ubhe idasyobhayasya rajata ubhe yatete ubhayasya pushyatah