সূক্ত 12

12.1

৯ আঙ্গির্হবির্ধানঃ। অগ্নিঃ। ত্রিষ্টুপ্।

দ্যাবা হ ক্ষামা প্রথমে ঋতেনাঽভিশ্রাবে ভবতঃ সত্যবাচা ।
দেবো যন্মর্তান্যজথায় কৃণ্বন্ত্সীদদ্ধোতা প্রত্যঙ্স্বমসুং যন্ ॥১॥

দেবো দেবান্পরিভূৠতেন বহা নো হব্যং প্রথমশ্চিকিত্বান্ ।
ধূমকেতুঃ সমিধা ভাঋজীকো মন্দ্রো হোতা নিত্যো বাচা যজীয়ান্ ॥২॥

স্বাবৃগ্দেবস্যামৃতং যদী গোরতো জাতাসো ধারয়ন্ত উর্বী ।
বিশ্বে দেবা অনু তত্তে যজুর্গুর্দুহে যদেনী দিব্যং ঘৃতং বাঃ ॥৩॥

অর্চামি বাং বর্ধায়াপো ঘৃতস্নূ দ্যাবাভূমী শৃণুতং রোদসী মে ।
অহা যদ্দ্যাবোঽসুনীতিময়ন্মধ্বা নো অত্র পিতরা শিশীতাম্ ॥৪॥

কিং স্বিন্নো রাজা জগৃহে কদস্যাঽতি ব্রতং চকৃমা কো বি বেদ ।
মিত্রশ্চিদ্ধি ষ্মা জুহুরাণো দেবাঞ্ছ্লোকো ন যাতামপি বাজো অস্তি ॥৫॥

দুর্মন্ত্বত্রামৃতস্য নাম সলক্ষ্মা যদ্বিষুরূপা ভবাতি ।
যমস্য যো মনবতে সুমন্ত্বগ্নে তমৃষ্ব পাহ্যপ্রয়ুচ্ছন্ ॥৬॥

যস্মিন্দেবা বিদথে মাদয়ন্তে বিবস্বতঃ সদনে ধারয়ন্তে ।
সূর্যে জ্যোতিরদধুর্মাস্য১ক্তূন্পরি দ্যোতনিং চরতো অজস্রা ॥৭॥

যস্মিন্দেবা মন্মনি সংচরন্ত্যপীচ্যে৩ ন বয়মস্য বিদ্ম ।
মিত্রো নো অত্রাদিতিরনাগান্ত্সবিতা দেবো বরুণায় বোচৎ ॥৮॥

শ্রুধী নো অগ্নে সদনে সধস্থে যুক্ষ্বা রথমমৃতস্য দ্রবিত্নুম্ ।
আ নো বহ রোদসী দেবপুত্রে মাকির্দেবানামপ ভূরিহ স্যাঃ ॥৯॥