সূক্ত 126

126.1

৮ শৈলূষিঃ কুল্মলবর্হিষো, বামদেব্যোঽহোমুগ্বা। বিশ্বেদেবাঃ। উপরিষ্টাদ্বৃহতী,৮ ত্রিষ্টুপ্।

ন তমংহো ন দুরিতং দেবাসো অষ্ট মর্ত্যম্ । সজোষসো যমর্যমা মিত্রো নয়ন্তি বরুণো অতি দ্বিষঃ ॥১॥

126.2

তদ্ধি বয়ং বৃণীমহে বরুণ মিত্রার্যমন্ । যেনা নিরংহসো যূয়ং পাথ নেথা চ মর্ত্যমতি দ্বিষঃ ॥২॥

126.3

তে নূনং নোঽয়মূতয়ে বরুণো মিত্রো অর্যমা । নয়িষ্ঠা উ নো নেষণি পর্ষিষ্ঠা উ নঃ পর্ষণ্যতি দ্বিষঃ ॥৩॥

126.4

যূয়ং বিশ্বং পরি পাথ বরুণো মিত্রো অর্যমা । যুষ্মাকং শর্মণি প্রিয়ে স্যাম সুপ্রণীতয়োঽতি দ্বিষঃ ॥৪॥

126.5

আদিত্যাসো অতি স্রিধো বরুণো মিত্রো অর্যমা । উগ্রং মরুদ্ভী রুদ্রং হুবেমেন্দ্রমগ্নিং স্বস্তয়েঽতি দ্বিষঃ ॥৫॥

126.6

নেতার ঊ ষু ণস্তিরো বরুণো মিত্রো অর্যমা । অতি বিশ্বানি দুরিতা রাজানশ্চর্ষণীনামতি দ্বিষঃ ॥৬॥

126.7

শুনমস্মভ্যমূতয়ে বরুণো মিত্রো অর্যমা । শর্ম যচ্ছন্তু সপ্রথ আদিত্যাসো যদীমহে অতি দ্বিষঃ ॥৭॥

126.8

যথা হ ত্যদ্বসবো গৌর্যং চিত্পদি ষিতামমুঞ্চতা যজত্রাঃ ।
এবো ষ্ব১স্মন্মুঞ্চতা ব্যংহঃ প্র তার্যগ্নে প্রতরং ন আয়ুঃ ॥৮॥