সূক্ত 127

127.1

৮ কুশিকঃ সৌভরঃ, রাত্রির্বা ভারদ্বাজী। রাত্রিঃ। গায়ত্রী।

রাত্রী ব্যখ্যদায়তী পুরুত্রা দেব্য১ক্ষভিঃ । বিশ্বা অধি শ্রিয়োঽধিত ॥১॥

127.2

ওর্বপ্রা অমর্ত্যা নিবতো দেব্যু১দ্বতঃ । জ্যোতিষা বাধতে তমঃ ॥২॥

127.3

নিরু স্বসারমস্কৃতোষসং দেব্যায়তী । অপেদু হাসতে তমঃ ॥৩॥

127.4

সা নো অদ্য যস্যা বয়ং নি তে যামন্নবিক্ষ্মহি । বৃক্ষে ন বসতিং বয়ঃ ॥৪॥

127.5

নি গ্রামাসো অবিক্ষত নি পদ্বন্তো নি পক্ষিণঃ । নি শ্যেনাসশ্চিদর্থিনঃ ॥৫॥

127.6

যাবয়া বৃক্যং১ বৃকং যবয় স্তেনমূর্ম্যে । অথা নঃ সুতরা ভব ॥৬॥

127.7

উপ মা পেপিশত্তমঃ কৃষ্ণং ব্যক্তমস্থিত । উষ ঋণেব যাতয় ॥৭॥

127.8

উপ তে গা ইবাকরং বৃণীষ্ব দুহিতর্দিবঃ । রাত্রি স্তোমং ন জিগ্যুষে ॥৮॥