সূক্ত 123

123.1

৮ বেনো ভার্গবঃ। বেনঃ। ত্রিষ্টুপ্।

অয়ং বেনশ্চোদয়ত্পৃশ্নিগর্ভা জ্যোতির্জরায়ূ রজসো বিমানে ।
ইমমপাং সংগমে সূর্যস্য শিশুং ন বিপ্রা মতিভী রিহন্তি ॥১॥

123.2

সমুদ্রাদূর্মিমুদিয়র্তি বেনো নভোজাঃ পৃষ্ঠং হর্যতস্য দর্শি ।
ঋতস্য সানাবধি বিষ্টপি ভ্রাট্ সমানং যোনিমভ্যনূষত ব্রাঃ ॥২॥

123.3

সমানং পূর্বীরভি বাবশানাস্তিষ্ঠন্বত্সস্য মাতরঃ সনীলাঃ ।
ঋতস্য সানাবধি চক্রমাণা রিহন্তি মধ্বো অমৃতস্য বাণীঃ ॥৩॥

123.4

জানন্তো রূপমকৃপন্ত বিপ্রা মৃগস্য ঘোষং মহিষস্য হি গ্মন্ ।
ঋতেন যন্তো অধি সিন্ধুমস্থুর্বিদদ্গন্ধর্বো অমৃতানি নাম ॥৪॥

123.5

অপ্সরা জারমুপসিষ্মিয়াণা যোষা বিভর্তি পরমে ব্যোমন্ ।
চরত্প্রিয়স্য যোনিষু প্রিয়ঃ সন্ত্সীদত্পক্ষে হিরণ্যয়ে স বেনঃ ॥৫॥

123.6

নাকে সুপর্ণমুপ যত্পতন্তং হৃদা বেনন্তো অভ্যচক্ষত ত্বা ।
হিরণ্যপক্ষং বরুণস্য দূতং যমস্য যোনৌ শকুনং ভুরণ্যুম্ ॥৬॥

123.7

ঊর্ধ্বো গন্ধর্বো অধি নাকে অস্থাত্প্রত্যঙ্চিত্রা বিভ্রদস্যায়ুধানি ।
বসানো অত্কং সুরভিং দৃশে কং স্ব১র্ণ নাম জনত প্রিয়াণি ॥৭॥

123.8

দ্রপ্সঃ সমুদ্রমভি যজ্জিগাতি পশ্যন্গৃধ্রস্য চক্ষসা বিধর্মন্ ।
ভানুঃ শুক্রেণ শোচিষা চকানস্তৃতীয়ে চক্রে রজসি প্রিয়াণি ॥৮॥