সূক্ত 124

124.1

৯ অগ্নিঃ, ১,৫-৯ অগ্নি-বরুণ-সোমাঃ। ১অগ্নিঃ,২-৪ অগ্নেরাত্মাঃ, ৫,৭-৮ বরুণঃ, ৬ সোমঃ, ৯ ইন্দ্রঃ। ত্রিষ্টুপ্ ৭ জগতী।

ইমং নো অগ্ন উপ যজ্ঞমেহি পঞ্চয়ামং ত্রিবৃতং সপ্ততন্তুম্ ।
অসো হব্যবালুত নঃ পুরোগা জ্যোগেব দীর্ঘং তম আশয়িষ্ঠাঃ ॥১॥

124.2

অদেবাদ্দেবঃ প্রচতা গুহা যন্প্রপশ্যমানো অমৃতত্বমেমি ।
শিবং যত্সন্তমশিবো জহামি স্বাত্সখ্যাদরণীং নাভিমেমি ॥২॥

124.3

পশ্যন্নন্যস্যা অতিথিং বয়ায়া ঋতস্য ধাম বি মিমে পুরূণি ।
শংসামি পিত্রে অসুরায় শেবময়জ্ঞিয়াদ্যজ্ঞিয়ং ভাগমেমি ॥৩॥

124.4

বহ্বীঃ সমা অকরমন্তরস্মিন্নিন্দ্রং বৃণানঃ পিতরং জহামি ।
অগ্নিঃ সোমো বরুণস্তে চ্যবন্তে পর্যাবর্দ্রাষ্ট্রং তদবাম্যায়ন্ ॥৪॥

124.5

নির্মায়া উ ত্যে অসুরা অভূবন্ত্বং চ মা বরুণ কাময়াসে ।
ঋতেন রাজন্ননৃতং বিবিঞ্চন্মম রাষ্ট্রস্যাধিপত্যমেহি ॥৫॥

124.6

ইদং স্বরিদমিদাস বামময়ং প্রকাশ উর্ব১ন্তরিক্ষম্ ।
হনাব বৃত্রং নিরেহি সোম হবিষ্ট্বা সন্তং হবিষা যজাম ॥৬॥

124.7

কবিঃ কবিত্বা দিবি রূপমাসজদপ্রভূতী বরুণো নিরপঃ সৃজৎ ।
ক্ষেমং কৃণ্বানা জনয়ো ন সিন্ধবস্তা অস্য বর্ণং শুচয়ো ভরিভ্রতি ॥৭॥

124.8

তা অস্য জ্যেষ্ঠমিন্দ্রিয়ং সচন্তে তা ঈমা ক্ষেতি স্বধয়া মদন্তীঃ ।
তা ঈং বিশো ন রাজানং বৃণানা বীভত্সুবো অপ বৃত্রাদতিষ্ঠন্ ॥৮॥

124.9

বীভত্সূনাং সয়ুজং হংসমাহুরপাং দিব্যানাং সখ্যে চরন্তম্ ।
অনুষ্টুভমনু চর্চূর্যমাণমিন্দ্রং নি চিক্যুঃ কবয়ো মনীষা ॥৯॥