সূক্ত 118

118.1

৯ উরুক্ষয় আমহীয়বঃ। রক্ষোহাঽগ্নিঃ। গায়ত্রী।

অগ্নে হংসি ন্য১ত্রিণং দীদ্যন্মর্ত্যেষ্বা । স্বে ক্ষয়ে শুচিব্রত ॥১॥

উত্তিষ্ঠসি স্বাহুতো ঘৃতানি প্রতি মোদসে । যত্ত্বা স্রুচঃ সমস্থিরন্ ॥২॥

স আহুতো বি রোচতেঽগ্নিরীলেন্যো গিরা । স্রুচা প্রতীকমজ্যতে ॥৩॥

ঘৃতেনাগ্নিঃ সমজ্যতে মধুপ্রতীক আহুতঃ । রোচমানো বিভাবসুঃ ॥৪॥

জরমাণঃ সমিধ্যসে দেবেভ্যো হব্যবাহন । তং ত্বা হবন্ত মর্ত্যাঃ ॥৫॥

তং মর্তা অমর্ত্যং ঘৃতেনাগ্নিং সপর্যত । অদাভ্যং গৃহপতিম্ ॥৬॥

অদাভ্যেন শোচিষাঽগ্নে রক্ষস্ত্বং দহ । গোপা ঋতস্য দীদিহি ॥৭॥

স ত্বমগ্নে প্রতীকেন প্রত্যোষ যাতুধান্যঃ । উরুক্ষয়েষু দীদ্যৎ ॥৮॥

তং ত্বা গীর্ভিরুরুক্ষয়া হব্যবাহং সমীধিরে । যজিষ্ঠং মানুষে জনে ॥৯॥