সূক্ত 119

119.1

১৩ ঐন্দ্রো লবঃ।আত্মা (ইন্দ্রঃ) । গায়ত্রী।

ইতি বা ইতি মে মনো গামশ্বং সনুয়ামিতি । কুবিত্সোমস্যাপামিতি ॥১॥

প্র বাতা ইব দোধত উন্মা পীতা অয়ংসত । কুবিত্সোমস্যাপামিতি ॥২॥

উন্মা পীতা অয়ংসত রথমশ্বা ইবাশবঃ । কুবিত্সোমস্যাপামিতি ॥৩॥

উপ মা মতিরস্থিত বাশ্রা পুত্রমিব প্রিয়ম্ । কুবিত্সোমস্যাপামিতি ॥৪॥

অহং তষ্টেব বন্ধুরং পর্যচামি হৃদা মতিম্ । কুবিত্সোমস্যাপামিতি ॥৫॥

নহি মে অক্ষিপচ্চনাঽচ্ছান্ত্সুঃ পঞ্চ কৃষ্টয়ঃ । কুবিত্সোমস্যাপামিতি ॥৬॥

নহি মে রোদসী উভে অন্যং পক্ষং চন প্রতি । কুবিত্সোমস্যাপামিতি ॥৭॥

অভি দ্যাং মহিনা ভুবমভী৩মাং পৃথিবীং মহীম্ । কুবিত্সোমস্যাপামিতি ॥৮॥

হন্তাহং পৃথিবীমিমাং নি দধানীহ বেহ বা । কুবিত্সোমস্যাপামিতি ॥৯॥

ওষমিত্পৃথিবীমহং জঙ্ঘনানীহ বেহ বা । কুবিত্সোমস্যাপামিতি ॥১০॥

দিবি মে অন্যঃ পক্ষো৩ঽধো অন্যমচীকৃষম্ । কুবিত্সোমস্যাপামিতি ॥১১॥

অহমস্মি মহামহোঽভিনভ্যমুদীষিতঃ । কুবিত্সোমস্যাপামিতি ॥১২॥

গৃহো যাম্যরংকৃতো দেবেভ্যো হব্যবাহনঃ । কুবিত্সোমস্যাপামিতি ॥১৩॥