সূক্ত 116

116.1

৯ স্থৌরোঽগ্নিয়ুতঃ স্থৌরোঽগ্নিয়ূপো বা।ইন্দ্রঃ ত্রিষ্টুপ্।

পিবা সোমং মহত ইন্দ্রিয়ায় পিবা বৃত্রায় হন্তবে শবিষ্ঠ ।
পিব রায়ে শবসে হূয়মানঃ পিব মধ্বস্তৃপদিন্দ্রা বৃষস্ব ॥১॥

116.2

অস্য পিব ক্ষুমতঃ প্রস্থিতস্যেন্দ্র সোমস্য বরমা সুতস্য ।
স্বস্তিদা মনসা মাদয়স্বাঽর্বাচীনো রেবতে সৌভগায় ॥২॥

116.3

মমত্তু ত্বা দিব্যঃ সোম ইন্দ্র মমত্তু যঃ সূয়তে পার্থিবেষু ।
মমত্তু যেন বরিবশ্চকর্থ মমত্তু যেন নিরিণাসি শত্রূন্ ॥৩॥

116.4

আ দ্বিবর্হা অমিনো যাত্বিন্দ্রো বৃষা হরিভ্যাং পরিষিক্তমন্ধঃ ।
গব্যা সুতস্য প্রভৃতস্য মধ্বঃ সত্রা খেদামরুশহা বৃষস্ব ॥৪॥

116.5

নি তিগ্মানি ভ্রাশয়ন্ভ্রাশ্যান্যব স্থিরা তনুহি যাতুজূনাম্ ।
উগ্রায় তে সহো বলং দদামি প্রতীত্যা শত্রূন্বিগদেষু বৃশ্চ ॥৫॥

116.6

ব্য১র্য ইন্দ্র তনুহি শ্রবাংস্যোজঃ স্থিরেব ধন্বনোঽভিমাতীঃ ।
অস্মদ্র্যগ্বাবৃধানঃ সহোভিরনিভৃষ্টস্তন্বং বাবৃধস্ব ॥৬॥

116.7

ইদং হবির্মঘবন্তুভ্যং রাতং প্রতি সম্রালহৃণানো গৃভায় ।
তুভ্যং সুতো মঘবন্তুভ্যং পক্বো৩ঽদ্ধীন্দ্র পিব চ প্রস্থিতস্য ॥৭॥

116.8

অদ্ধীদিন্দ্র প্রস্থিতেমা হবীংষি চনো দধিষ্ব পচতোত সোমম্ ।
প্রয়স্বন্তঃ প্রতি হর্যামসি ত্বা সত্যাঃ সন্তু যজমানস্য কামাঃ ॥৮॥

116.9

প্রেন্দ্রাগ্নিভ্যাং সুবচস্যামিয়র্মি সিন্ধাবিব প্রেরয়ং নাবমর্কৈঃ ।
অয়া ইব পরি চরন্তি দেবা যে অস্মভ্যং ধনদা উদ্ভিদশ্চ ॥৯॥