সূক্ত 112

112.1

১০ বৈরূপো নভঃ প্রভেদনঃ। ইন্দ্রঃ। ত্রিষ্টুপ্।

ইন্দ্র পিব প্রতিকামং সুতস্য প্রাতঃসাবস্তব হি পূর্বপীতিঃ ।
হর্ষস্ব হন্তবে শূর শত্রূনুক্থেভিষ্টে বীর্যা৩ প্র ব্রবাম ॥১॥

112.2

যস্তে রথো মনসো জবীয়ানেন্দ্র তেন সোমপেয়ায় যাহি ।
তূয়মা তে হরয়ঃ প্র দ্রবন্তু যেভির্যাসি বৃষভির্মন্দমানঃ ॥২॥

112.3

হরিত্বতা বর্চসা সূর্যস্য শ্রেষ্ঠৈ রূপৈস্তন্বং স্পর্শয়স্ব ।
অস্মাভিরিন্দ্র সখিভির্হুবানঃ সধ্রীচীনো মাদয়স্বা নিষদ্য ॥৩॥

112.4

যস্য ত্যত্তে মহিমানং মদেষ্বিমে মহী রোদসী নাবিবিক্তাম্ ।
তদোক আ হরিভিরিন্দ্র যুক্তৈঃ প্রিয়েভির্যাহি প্রিয়মন্নমচ্ছ ॥৪॥

112.5

যস্য শশ্বত্পপিবাঁ ইন্দ্র শত্রূননানুকৃত্যা রণ্যা চকর্থ ।
স তে পুরংধিং তবিষীমিয়র্তি স তে মদায় সুত ইন্দ্র সোমঃ ॥৫॥

112.6

ইদং তে পাত্রং সনবিত্তমিন্দ্র পিবা সোমমেনা শতক্রতো ।
পূর্ণ আহাবো মদিরস্য মধ্বো যং বিশ্ব ইদভিহর্যন্তি দেবাঃ ॥৬॥

112.7

বি হি ত্বামিন্দ্র পুরুধা জনাসো হিতপ্রয়সো বৃষভ হ্বয়ন্তে ।
অস্মাকং তে মধুমত্তমানীমা ভুবন্ত্সবনা তেষু হর্য ॥৭॥

112.8

প্র ত ইন্দ্র পূর্ব্যাণি প্র নূনং বীর্যা বোচং প্রথমা কৃতানি ।
সতীনমন্যুরশ্রথায়ো অদ্রিং সুবেদনামকৃণোর্ব্রহ্মণে গাম্ ॥৮॥

112.9

নি ষু সীদ গণপতে গণেষু ত্বামাহুর্বিপ্রতমং কবীনাম্ ।
ন ঋতে ত্বত্ক্রিয়তে কিং চনারে মহামর্কং মঘবঞ্চিত্রমর্চ ॥৯॥

112.10

অভিখ্যা নো মঘবন্নাধমানান্ত্সখে বোধি বসুপতে সখীনাম্ ।
রণং কৃধি রণকৃত্সত্যশুষ্মাঽভক্তে চিদা ভজা রায়ে অস্মান্ ॥১০॥