সূক্ত 107

107.1

১১ দিব্য আংগিরসঃ, দক্ষিণা বা প্রাজাপত্যা। দক্ষিনা, দক্ষিণাদাতারো বা। ত্রিষ্টুপ্ , ৪ জগতী।

আবিরভূন্মহি মাঘোনমেষাং বিশ্বং জীবং তমসো নিরমোচি ।
মহি জ্যোতিঃ পিতৃভির্দত্তমাগাদুরুঃ পন্থা দক্ষিণায়া অদর্শি ॥১॥

উচ্চা দিবি দক্ষিণাবন্তো অস্থুর্যে অশ্বদাঃ সহ তে সূর্যেণ ।
হিরণ্যদা অমৃতত্বং ভজন্তে বাসোদাঃ সোম প্র তিরন্ত আয়ুঃ ॥২॥

দৈবী পূর্তির্দক্ষিণা দেবয়জ্যা ন কবারিভ্যো নহি তে পৃণন্তি ।
অথা নরঃ প্রয়তদক্ষিণাসোঽবদ্যভিয়া বহবঃ পৃণন্তি ॥৩॥

শতধারং বায়ুমর্কং স্বর্বিদং নৃচক্ষসস্তে অভি চক্ষতে হবিঃ ।
যে পৃণন্তি প্র চ যচ্ছন্তি সংগমে তে দক্ষিণাং দুহতে সপ্তমাতরম্ ॥৪॥

দক্ষিণাবান্প্রথমো হূত এতি দক্ষিণাবান্গ্রামণীরগ্রমেতি ।
তমেব মন্যে নৃপতিং জনানাং যঃ প্রথমো দক্ষিণামাবিবায় ॥৫॥

তমেব ঋষিং তমু ব্রহ্মাণমাহুর্যজ্ঞন্যং সামগামুক্থশাসম্ ।
স শুক্রস্য তন্বো বেদ তিস্রো যঃ প্রথমো দক্ষিণয়া ররাধ ॥৬॥

দক্ষিণাশ্বং দক্ষিণা গাং দদাতি দক্ষিণা চন্দ্রমুত যদ্ধিরণ্যম্ ।
দক্ষিণান্নং বনুতে যো ন আত্মা দক্ষিণাং বর্ম কৃণুতে বিজানন্ ॥৭॥

ন ভোজা মম্রুর্ন ন্যর্থমীয়ুর্ন রিষ্যন্তি ন ব্যথন্তে হ ভোজাঃ ।
ইদং যদ্বিশ্বং ভুবনং স্বশ্চৈতত্সর্বং দক্ষিণৈভ্যো দদাতি ॥৮॥

ভোজা জিগ্যুঃ সুরভিং যোনিমগ্রে ভোজা জিগ্যুর্বধ্বং১ যা সুবাসাঃ ।
ভোজা জিগ্যুরন্তঃপেয়ং সুরায়া ভোজা জিগ্যুর্যে অহূতাঃ প্রয়ন্তি ॥৯॥

ভোজায়াশ্বং সং মৃজন্ত্যাশুং ভোজায়াস্তে কন্যা৩ শুম্ভমানা ।
ভোজস্যেদং পুষ্করিণীব বেশ্ম পরিষ্কৃতং দেবমানেব চিত্রম্ ॥১০॥

ভোজমশ্বাঃ সুষ্ঠুবাহো বহন্তি সুবৃদ্রথো বর্ততে দক্ষিণায়াঃ ।
ভোজং দেবাসোঽবতা ভরেষু ভোজঃ শত্রূন্ত্সমনীকেষু জেতা ॥১১॥