সূক্ত 106

106.1

১১ ভূতাংশঃ কাশ্যপঃ। অশ্বিনৌ। ত্রিষ্টুপ্।

উভা উ নূনং তদিদর্থয়েথে বি তন্বাথে ধিয়ো বস্ত্রাপসেব ।
সধ্রীচীনা যাতবে প্রেমজীগঃ সুদিনেব পৃক্ষ আ তংসয়েথে ॥১॥

উষ্টারেব ফর্বরেষু শ্রয়েথে প্রায়োগেব শ্বাত্র্যা শাসুরেথঃ ।
দূতেব হি ষ্ঠো যশসা জনেষু মাপ স্থাতং মহিষেবাবপানাৎ ॥২॥

সাকংয়ুজা শকুনস্যেব পক্ষা পশ্বেব চিত্রা যজুরা গমিষ্টম্ ।
অগ্নিরিব দেবয়োর্দীদিবাংসা পরিজ্মানেব যজথঃ পুরুত্রা ॥৩॥

আপী বো অস্মে পিতরেব পুত্রোগ্রেব রুচা নৃপতীব তুর্যৈ ।
ইর্যেব পুষ্ট্যৈ কিরণেব ভুজ্যৈ শ্রুষ্টীবানেব হবমা গমিষ্টম্ ॥৪॥

বংসগেব পূষর্যা শিম্বাতা মিত্রেব ঋতা শতরা শাতপন্তা ।
বাজেবোচ্চা বয়সা ঘর্ম্যেষ্ঠা মেষেবেষা সপর্যা৩ পুরীষা ॥৫॥

সৃণ্যেব জর্ভরী তুর্ফরীতূ নৈতোশেব তুর্ফরী পর্ফরীকা ।
উদন্যজেব জেমনা মদেরূ তা মে জরায্বজরং মরায়ু ॥৬॥

পজ্রেব চর্চরং জারং মরায়ু ক্ষদ্মেবার্থেষু তর্তরীথ উগ্রা ।
ঋভূ নাপত্খরমজ্রা খরজ্রুর্বায়ুর্ন পর্ফরত্ক্ষয়দ্রয়ীণাম্ ॥৭॥

ঘর্মেব মধু জঠরে সনেরূ ভগেবিতা তুর্ফরী ফারিবারম্ ।
পতরেব চচরা চন্দ্রনির্ণিঙ্মনঋঙ্গা মনন্যা৩ ন জগ্মী ॥৮॥

বৃহন্তেব গম্ভরেষু প্রতিষ্ঠাং পাদেব গাধং তরতে বিদাথঃ ।
কর্ণেব শাসুরনু হি স্মরাথোংঽশেব নো ভজতং চিত্রমপ্নঃ ॥৯॥

আরঙ্গরেব মধ্বেরয়েথে সারঘেব গবি নীচীনবারে ।
কীনারেব স্বেদমাসিষ্বিদানা ক্ষামেবোর্জা সূয়বসাত্সচেথে ॥১০॥

ঋধ্যাম স্তোমং সনুয়াম বাজমা নো মন্ত্রং সরথেহোপ যাতম্ ।
যশো ন পক্বং মধু গোষ্বন্তরা ভূতাংশো অশ্বিনোঃ কামমপ্রাঃ ॥১১॥