সূক্ত 102

102.1

১২ মুদ্গলো ভার্ম্যশ্বঃ। দ্রুঘণঃ, ইন্দ্রো বা। ত্রিষ্টুপ্, ১,৩, ১২ বৃহতী।

প্র তে রথং মিথূকৃতমিন্দ্রোঽবতু ধৃষ্ণুয়া ।
অস্মিন্নাজৌ পুরুহূত শ্রবায্যে ধনভক্ষেষু নোঽব ॥১॥

102.2

উত্স্ম বাতো বহতি বাসোঽস্যা অধিরথং যদজয়ত্সহস্রম্ ।
রথীরভূন্মুদ্গলানী গবিষ্টৌ ভরে কৃতং ব্যচেদিন্দ্রসেনা ॥২॥

102.3

অন্তর্যচ্ছ জিঘাংসতো বজ্রমিন্দ্রাভিদাসতঃ ।
দাসস্য বা মঘবন্নার্যস্য বা সনুতর্যবয়া বধম্ ॥৩॥

102.4

উদ্নো হ্রদমপিবজ্জর্হৃষাণঃ কূটং স্ম তৃংহদভিমাতিমেতি ।
প্র মুষ্কভারঃ শ্রব ইচ্ছমানোঽজিরং বাহূ অভরত্সিষাসন্ ॥৪॥

102.5

ন্যক্রন্দয়ন্নুপয়ন্ত এনমমেহয়ন্বৃষভং মধ্য আজেঃ ।
তেন সূভর্বং শতবত্সহস্রং গবাং মুদ্গলঃ প্রধনে জিগায় ॥৫॥

102.6

ককর্দবে বৃষভো যুক্ত আসীদবাবচীত্সারথিরস্য কেশী ।
দুধের্যুক্তস্য দ্রবতঃ সহানস ঋচ্ছন্তি ষ্মা নিষ্পদো মুদ্গলানীম্ ॥৬॥

102.7

উত প্রধিমুদহন্নস্য বিদ্বানুপায়ুনগ্বংসগমত্র শিক্ষন্ ।
ইন্দ্র উদাবত্পতিমঘ্ন্যানামরংহত পদ্যাভিঃ ককুদ্মান্ ॥৭॥

102.8

শুনমষ্ট্রাব্যচরত্কপর্দী বরত্রায়াং দার্বানহ্যমানঃ ।
নৃম্ণানি কৃণ্বন্বহবে জনায় গাঃ পস্পশানস্তবিষীরধত্ত ॥৮॥

102.9

ইমং তং পশ্য বৃষভস্য যুঞ্জং কাষ্ঠায়া মধ্যে দ্রুঘণং শয়ানম্ ।
যেন জিগায় শতবত্সহস্রং গবাং মুদ্গলঃ পৃতনাজ্যেষু ॥৯॥

102.10

আরে অঘা কো ন্বি১ত্থা দদর্শ যং যুঞ্জন্তি তম্বা স্থাপয়ন্তি ।
নাস্মৈ তৃণং নোদকমা ভরন্ত্যুত্তরো ধুরো বহতি প্রদেদিশৎ ॥১০॥

102.11

পরিবৃক্তেব পতিবিদ্যমানট্ পীপ্যানা কূচক্রেণেব সিঞ্চন্ ।
এষৈষ্যা চিদ্রথ্যা জয়েম সুমঙ্গলং সিনবদস্তু সাতম্ ॥১১॥

102.12

ত্বং বিশ্বস্য জগতশ্চক্ষুরিন্দ্রাসি চক্ষুষঃ । বৃষা যদাজিং বৃষণা সিষাসসি চোদয়ন্বধ্রিণা যুজা ॥১২॥