সূক্ত 90

90.1

৯ গোতমো রাহূগণঃ। বিশ্বেদেবাঃ,। গায়ত্রী, ৯ অনুষ্টুপ্।

ঋজুনীতী নো বরুণো মিত্রো নয়তু বিদ্বান্ । অর্যমা দেবৈঃ সজোষাঃ ॥১॥

তে হি বস্বো বসবানাস্তে অপ্রমূরা মহোভিঃ । ব্রতা রক্ষন্তে বিশ্বাহা ॥২॥

তে অস্মভ্যং শর্ম যংসন্নমৃতা মর্ত্যেভ্যঃ । বাধমানা অপ দ্বিষঃ ॥৩॥

বি নঃ পথঃ সুবিতায় চিয়ন্ত্বিন্দ্রো মরুতঃ । পূষা ভগো বন্দ্যাসঃ ॥৪॥

উত নো ধিয়ো গোঅগ্রাঃ পূষন্ বিষ্ণবেবয়াবঃ । কর্তা নঃ স্বস্তিমতঃ ॥৫॥

মধু বাতা ঋতায়তে মধু ক্ষরন্তি সিন্ধবঃ । মাধ্বীর্নঃ সন্ত্বোষধীঃ ॥৬॥

মধু নক্তমুতোষসো মধুমৎ পার্থিবং রজঃ । মধু দ্যৌরস্তু নঃ পিতা ॥৭॥

মধুমান্নো বনস্পতির্মধুমাঁ অস্তু সূর্যঃ । মাধ্বীর্গাবো ভবন্তু নঃ ॥৮॥

শং নো মিত্রঃ শং বরুণঃ শং নো ভবত্বর্যমা । শং ন ইন্দ্রো বৃহস্পতিঃ শং নো বিষ্ণুরুরুক্রমঃ ॥৯॥