সূক্ত 88

88.1

৬ গোতমো রাহূগণঃ। মরুতঃ। ত্রিষ্টুপ্, ১, ৬ প্রস্তারপংক্তিঃ, ৫ বিরাড্ রুপা।

আ বিদ্যুন্মদ্ভির্মরুতঃ স্বর্কৈ রথেভির্যাত ঋষ্টিমদ্ভিরশ্বপর্ণৈঃ ।
আ বর্ষিষ্ঠয়া ন ইষা বয়ো ন পপ্ততা সুমায়াঃ ॥১॥

88.2

তেঽরুণেভির্বরমা পিশঙ্গৈঃ শুভে কং যান্তি রথতূর্ভিরশ্বৈঃ ।
রুক্মো ন চিত্রঃ স্বধিতীবান্ পব্যা রথস্য জঙ্ঘনন্ত ভূম ॥২॥

88.3

শ্রিয়ে কং বো অধি তনূষু বাশীর্মেধা বনা ন কৃণবন্ত ঊর্ধ্বা ।
যুষ্মভ্যং কং মরুতঃ সুজাতাস্তুবিদ্যুম্নাসো ধনয়ন্তে অদ্রিম্ ॥৩॥

88.4

অহানি গৃধ্রাঃ পর্যা ব আগুরিমাং ধিয়ং বার্কার্যাং চ দেবীম্ ।
ব্রহ্ম কৃণ্বন্তো গোতমাসো অর্কৈরূর্ধ্বং নুনুদ্র উত্সধিং পিবধ্যৈ ॥৪॥

88.5

এতৎ ত্যন্ন যোজনমচেতি সস্বর্হ যন্মরুতো গোতমো বঃ ।
পশ্যন্ হিরণ্যচক্রানয়োদংষ্ট্রান্ বিধাবতো বরাহূন্ ॥৫॥

88.6

এষা স্যা বো মরুতোঽনুভর্ত্রী প্রতি ষ্টোভতি বাঘতো ন বাণী ।
অস্তোভয়দ্ বৃথাসামনু স্বধাং গভস্ত্যোঃ ॥৬॥