সূক্ত 86

86.1

১০ গোতমো রাহূগণঃ। মরুতঃ। গায়ত্রী।

মরুতো যস্য হি ক্ষয়ে পাথা দিবো বিমহসঃ । স সুগোপাতমো জনঃ ॥১॥

86.2

যজ্ঞৈর্বা যজ্ঞবাহসো বিপ্রস্য বা মতীনাম্ । মরুতঃ শৃণুতা হবম্ ॥২॥

86.3

উত বা যস্য বাজিনো ঽনু বিপ্রমতক্ষত । স গন্তা গোমতি ব্রজে ॥৩॥

86.4

অস্য বীরস্য বর্হিষি সুতঃ সোমো দিবিষ্টিষু । উক্থং মদশ্চ শস্যতে ॥৪॥

86.5

অস্য শ্রোষন্ত্বা ভুবো বিশ্বা যশ্চর্ষণীরভি । সূরং চিৎ সস্রুষীরিষঃ ॥৫॥

86.6

পূর্বীভির্হি দদাশিম শরদ্ভির্মরুতো বয়ম্ । অবোভিশ্চর্ষণীনাম্ ॥৬॥

86.7

সুভগঃ স প্রয়জ্যবো মরুতো অস্তু মর্ত্যঃ । যস্য প্রয়াংসি পর্ষথ ॥৭॥

86.8

শশমানস্য বা নরঃ স্বেদস্য সত্যশবসঃ । বিদা কামস্য বেনতঃ ॥৮॥

86.9

যূয়ং তৎ সত্যশবস আবিষ্কর্ত মহিত্বনা । বিধ্যতা বিদ্যুতা রক্ষঃ ॥৯॥

86.10

গূহতা গুহ্যং তমো বি যাত বিশ্বমত্রিণম্ । জ্যোতিষ্কর্তা যদুশ্মসি ॥১০॥