সূক্ত 82

82.1

৬ গোতমো রাহূগণঃ। ইন্দ্রঃ। পংক্তিঃ, ৬ জগতী।

উপো ষু শৃণুহী গিরো মঘবন্ মাতথা ইব ।
যদা নঃ সূনৃতাবতঃ কর আদর্থয়াস ইদ্ যোজা ন্বিন্দ্র তে হরী ॥১॥

82.2

অক্ষন্নমীমদন্ত হ্যব প্রিয়া অধূষত ।
অস্তোষত স্বভানবো বিপ্রা নবিষ্ঠয়া মতী যোজা ন্বিন্দ্র তে হরী ॥২॥

82.3

সুসংদৃশং ত্বা বয়ং মঘবন্ বন্দিষীমহি ।
প্র নূনং পূর্ণবন্ধুরঃ স্তুতো যাহি বশাঁ অনু যোজা ন্বিন্দ্র তে হরী ॥৩॥

82.4

স ঘা তং বৃষণং রথমধি তিষ্ঠাতি গোবিদম্ ।
যঃ পাত্রং হারিয়োজনং পূর্ণমিন্দ্র চিকেততি যোজা ন্বিন্দ্র তে হরী ॥৪॥

82.5

যুক্তস্তে অস্তু দক্ষিণ উত সব্যঃ শতক্রতো ।
তেন জায়ামুপ প্রিয়াং মন্দানো যাহ্যন্ধসো যোজা ন্বিন্দ্র তে হরী ॥৫॥

82.6

যুনজ্মি তে ব্রহ্মণা কেশিনা হরী উপ প্র যাহি দধিষে গভস্ত্যোঃ ।
উৎ ত্বা সুতাসো রভসা অমন্দিষুঃ পূষণ্বান্ বজ্রিন্ত্সমু পত্ন্যামদঃ ॥৬॥