সূক্ত 77

77.1

৫ গোতমো রাহূগণঃ। অগ্নিঃ। ত্রিষ্টুপ্।

কথা দাশেমাগ্নয়ে কাস্মৈ দেবজুষ্টোচ্যতে ভামিনে গীঃ ।
যো মর্ত্যেষ্বমৃত ঋতাবা হোতা যজিষ্ঠ ইৎ কৃণোতি দেবান্ ॥১॥

77.2

যো অধ্বরেষু শংতম ঋতাবা হোতা তমূ নমোভিরা কৃণুধ্বম্ ।
অগ্নির্যদ্ বের্মর্তায় দেবান্ত্স চা বোধাতি মনসা যজাতি ॥২॥

77.3

স হি ক্রতুঃ স মর্যঃ স সাধুর্মিত্রো ন ভূদদ্ভুতস্য রথীঃ ।
তং মেধেষু প্রথমং দেবয়ন্তীর্বিশ উপ ব্রুবতে দস্মমারীঃ ॥৩॥

77.4

স নো নৃণাং নৃতমো রিশাদা অগ্নির্গিরোঽবসা বেতু ধীতিম্ ।
তনা চ যে মঘবানঃ শবিষ্ঠা বাজপ্রসূতা ইষয়ন্ত মন্ম ॥৪॥

77.5

এবাগ্নির্গোতমেভির্ঋতাবা বিপ্রেভিরস্তোষ্ট জাতবেদাঃ ।
স এষু দ্যুম্নং পীপয়ৎ স বাজং স পুষ্টিং যাতি জোষমা চিকিত্বান্ ॥৫॥