সূক্ত 76

76.1

৫ গোতমো রাহূগণঃ। অগ্নিঃ। ত্রিষ্টুপ্।

কা ত উপেতির্মনসো বরায় ভুবদগ্নে শংতমা কা মনীষা ।
কো বা যজ্ঞৈঃ পরি দক্ষং ত আপ কেন বা তে মনসা দাশেম ॥১॥

76.2

এহ্যগ্ন ইহ হোতা নি ষীদাদব্ধঃ সু পুরএতা ভবা নঃ ।
অবতাং ত্বা রোদসী বিশ্বমিন্বে যজা মহে সৌমনসায় দেবান্ ॥২॥

76.3

প্র সু বিশ্বান্ রক্ষসো ধক্ষ্যগ্নে ভবা যজ্ঞানামভিশস্তিপাবা ।
অথা বহ সোমপতিং হরিভ্যামাতিথ্যমস্মৈ চকৃমা সুদাব্নে ॥৩॥

76.4

প্রজাবতা বচসা বহ্নিরাসা ঽঽ চ হুবে নি চ সত্সীহ দেবৈঃ ।
বেষি হোত্রমুত পোত্রং যজত্র বোধি প্রয়ন্তর্জনিতর্বসূনাম্ ॥৪॥

76.5

যথা বিপ্রস্য মনুষো হবির্ভির্দেবাঁ অয়জঃ কবিভিঃ কবিঃ সন্ ।
এবা হোতঃ সত্যতর ত্বমদ্যাগ্নে মন্দ্রয়া জুহ্বা যজস্ব ॥৫॥