সূক্ত 74

74.1

৯ গোতমো রাহূগণঃ। অগ্নিঃ। গায়ত্রী।

উপপ্রয়ন্তো অধ্বরং মন্ত্রং বোচেমাগ্নয়ে । আরে অস্মে চ শৃণ্বতে ॥১॥

যঃ স্নীহিতীষু পূর্ব্যঃ সংজগ্মানাসু কৃষ্টিষু । অরক্ষদ্ দাশুষে গয়ম্ ॥২॥

উত ব্রুবন্তু জন্তব উদগ্নির্বৃত্রহাজনি । ধনংজয়ো রণেরণে ॥৩॥

যস্য দূতো অসি ক্ষয়ে বেষি হব্যানি বীতয়ে । দস্মৎ কৃণোষ্যধ্বরম্ ॥৪॥

তমিৎ সুহব্যমঙ্গিরঃ সুদেবং সহসো যহো । জনা আহুঃ সুবর্হিষম্ ॥৫॥

আ চ বহাসি তাঁ ইহ দেবাঁ উপ প্রশস্তয়ে । হব্যা সুশ্চন্দ্র বীতয়ে ॥৬॥

ন যোরুপব্দিরশ্ব্যঃ শৃণ্বে রথস্য কচ্চন । যদগ্নে যাসি দূত্যম্ ॥৭॥

ত্বোতো বাজ্যহ্রয়ো ঽভি পূর্বস্মাদপরঃ । প্র দাশ্বাঁ অগ্নে অস্থাৎ ॥৮॥

উত দ্যুমৎ সুবীর্যং বৃহদগ্নে বিবাসসি । দেবেভ্যো দেব দাশুষে ॥৯॥