সূক্ত 72

72.1

১০ পরাশরঃ শাক্ত্যঃ। অগ্নিঃ। ত্রিষ্টুপ্।

নি কাব্যা বেধসঃ শশ্বতস্কর্হস্তে দধানো নর্যা পুরূণি ।
অগ্নির্ভুবদ্ রয়িপতী রয়ীণাং সত্রা চক্রাণো অমৃতানি বিশ্বা ॥১॥

72.2

অস্মে বত্সং পরি ষন্তং ন বিন্দন্নিচ্ছন্তো বিশ্বে অমৃতা অমূরাঃ ।
শ্রময়ুবঃ পদব্যো ধিয়ংধাস্তস্থুঃ পদে পরমে চার্বগ্নেঃ ॥২॥

72.3

তিস্রো যদগ্নে শরদস্ত্বামিচ্ছুচিং ঘৃতেন শুচয়ঃ সপর্যান্ ।
নামানি চিদ্ দধিরে যজ্ঞিয়ান্যসূদয়ন্ত তন্ব ১ঃ সুজাতাঃ ॥৩॥

72.4

আ রোদসী বৃহতী বেবিদানাঃ প্র রুদ্রিয়া জভ্রিরে যজ্ঞিয়াসঃ ।
বিদন্মর্তো নেমধিতা চিকিত্বানগ্নিং পদে পরমে তস্থিবাংসম্ ॥৪॥

72.5

সংজানানা উপ সীদন্নভিজ্ঞু পত্নীবন্তো নমস্যং নমস্যন্ ।
রিরিক্বাংসস্তন্বঃ কৃণ্বত স্বাঃ সখা সখ্যুর্নিমিষি রক্ষমাণাঃ ॥৫॥

72.6

ত্রিঃ সপ্ত যদ্ গুহ্যানি ত্বে ইৎ পদাবিদন্নিহিতা যজ্ঞিয়াসঃ ।
তেভী রক্ষন্তে অমৃতং সজোষাঃ পশূঞ্চ স্থাতৄঞ্চরথং চ পাহি ॥৬॥

72.7

বিদ্বাঁ অগ্নে বয়ুনানি ক্ষিতীনাং ব্যানুষক্ ছুরুধো জীবসে ধাঃ ।
অন্তর্বিদ্বাঁ অধ্বনো দেবয়ানানতন্দ্রো দূতো অভবো হবির্বাট্ ॥৭॥

72.8

স্বাধ্যো দিব আ সপ্ত যহ্বী রায়ো দুরো ব্যৃতজ্ঞা অজানন্ ।
বিদদ্ গব্যং সরমা দৃহ্লমূর্বং যেনা নু কং মানুষী ভোজতে বিট্ ॥৮॥

72.9

আ যে বিশ্বা স্বপত্যানি তস্থুঃ কৃণ্বানাসো অমৃতত্বায় গাতুম্ ।
মহ্না মহদ্ভিঃ পৃথিবী বি তস্থে মাতা পুত্রৈরদিতির্ধায়সে বেঃ ॥৯॥

72.10

অধি শ্রিয়ং নি দধুশ্চারুমস্মিন্ দিবো যদক্ষী অমৃতা অকৃণ্বন্ ।
অধ ক্ষরন্তি সিন্ধবো ন সৃষ্টাঃ প্র নীচীরগ্নে অরুষীরজানন্ ॥১০॥