সূক্ত 56

56.1

৬ সব্য আঙ্গিরসঃ। ইন্দ্রঃ। জগতী।

এষ প্র পূর্বীরব তস্য চম্রিষো ঽত্যো ন যোষামুদয়ংস্ত ভুর্বণিঃ ।
দক্ষং মহে পায়য়তে হিরণ্যয়ং রথমাবৃত্যা হরিয়োগমৃভ্বসম্ ॥১॥

56.2

তং গূর্তয়ো নেমন্নিষঃ পরীণসঃ সমুদ্রং ন সংচরণে সনিষ্যবঃ ।
পতিং দক্ষস্য বিদথস্য নূ সহো গিরিং ন বেনা অধি রোহ তেজসা ॥২॥

56.3

স তুর্বণির্মহাঁ অরেণু পৌংস্যে গিরের্ভৃষ্টির্ন ভ্রাজতে তুজা শবঃ ।
যেন শুষ্ণং মায়িনমায়সো মদে দুধ্র আভূষু রাময়ন্নি দামনি ॥৩॥

56.4

দেবী যদি তবিষী ত্বাবৃধোতয় ইন্দ্রং সিষক্ত্যুষসং ন সূর্যঃ ।
যো ধৃষ্ণুনা শবসা বাধতে তম ইয়র্তি রেণুং বৃহদর্হরিষ্বণিঃ ॥৪॥

56.5

বি যৎ তিরো ধরুণমচ্যুতং রজো ঽতিষ্ঠিপো দিব আতাসু বর্হণা ।
স্বর্মীহ্লে যন্মদ ইন্দ্র হর্ষ্যাহন্ বৃত্রং নিরপামৌব্জো অর্ণবম্ ॥৫॥

56.6

ত্বং দিবো ধরুণং ধিষ ওজসা পৃথিব্যা ইন্দ্র সদনেষু মাহিনঃ ।
ত্বং সুতস্য মদে অরিণা অপো বি বৃত্রস্য সময়া পাষ্যারুজঃ ॥৬॥