সূক্ত 32

32.1

১৫ হিরণ্যস্তূপ আঙ্গিরসঃ। ইন্দ্রঃ। ত্রিষ্টুপ্।

ইন্দ্রস্য নু বীর্যাণি প্র বোচং যানি চকার প্রথমানি বজ্রী ।
অহন্নহিমন্বপস্ততর্দ প্র বক্ষণা অভিনৎ পর্বতানাম্ ॥১॥

32.2

অহন্নহিং পর্বতে শিশ্রিয়াণং ত্বষ্টাস্মৈ বজ্রং স্বর্যং ততক্ষ ।
বাশ্রা ইব ধেনবঃ স্যন্দমানা অঞ্জঃ সমুদ্রমব জগ্মুরাপঃ ॥২॥

32.3

বৃষায়মাণো ঽবৃণীত সোমং ত্রিকদ্রুকেষ্বপিবৎ সুতস্য ।
আ সায়কং মঘবাদত্ত বজ্রমহন্নেনং প্রথমজামহীনাম্ ॥৩॥

32.4

যদিন্দ্রাহন্ প্রথমজামহীনামান্মায়িনামমিনাঃ প্রোত মায়াঃ ।
আৎ সূর্যং জনয়ন্ দ্যামুষাসং তাদীত্না শত্রুং ন কিলা বিবিত্সে ॥৪॥

32.5

অহন্ বৃত্রং বৃত্রতরং ব্যংসমিন্দ্রো বজ্রেণ মহতা বধেন ।
স্কন্ধাংসীব কুলিশেনা বিবৃক্ণাঽহিঃ শয়ত উপপৃক্ পৃথিব্যাঃ ॥৫॥

32.6

অয়োদ্ধেব দুর্মদ আ হি জুহ্বে মহাবীরং তুবিবাধমৃজীষম্ ।
নাতারীদস্য সমৃতিং বধানাং সং রুজানাঃ পিপিষ ইন্দ্রশত্রুঃ ॥৬॥

32.7

অপাদহস্তো অপৃতন্যদিন্দ্রমাস্য বজ্রমধি সানৌ জঘান ।
বৃষ্ণো বধ্রিঃ প্রতিমানং বুভূষন্ পুরুত্রা বৃত্রো অশয়দ্ব্য ব্যস্তঃ ॥৭॥

32.8

নদং ন ভিন্নমমুয়া শয়ানং মনো রুহাণা অতি যন্ত্যাপঃ ।
যাশ্চিদ্ বৃত্রো মহিনা পর্যতিষ্ঠৎ তাসামহিঃ পত্সুতঃশীর্বভূব ॥৮॥

32.9

নীচাবয়া অভবদ্ বৃত্রপুত্রেন্দ্রো অস্যা অব বধর্জভার ।
উত্তরা সূরধরঃ পুত্র আসীদ্ দানুঃ শয়ে সহবত্সা ন ধেনুঃ ॥৯॥

32.10

অতিষ্ঠন্তীনামনিবেশনানাং কাষ্ঠানাং মধ্যে নিহিতং শরীরম্ ।
বৃত্রস্য নিণ্যং বি চরন্ত্যাপো দীর্ঘং তম আশয়দিন্দ্রশত্রুঃ ॥১০॥

32.11

দাসপত্নীরহিগোপা অতিষ্ঠন্ নিরুদ্ধা আপঃ পণিনেব গাবঃ ।
অপাং বিলমপিহিতং যদাসীদ্ বৃত্রং জঘন্বাঁ অপ তদ্ ববার ॥১১॥

32.12

অশ্ব্যো বারো অভবস্তদিন্দ্র সৃকে যৎ ত্বা প্রত্যহন্ দেব একঃ ।
অজয়ো গা অজয়ঃ শূর সোমমবাসৃজঃ সর্তবে সপ্ত সিন্ধূন্ ॥১২॥

32.13

নাস্মৈ বিদ্যুন্ন তন্যতুঃ সিষেধ ন যাং মিহমকিরদ্ ধ্রাদুনিং চ ।
ইন্দ্রশ্চ যদ্ যুয়ুধাতে অহিশ্চোতাপরীভ্যো মঘবা বি জিগ্যে ॥১৩॥

32.14

অহের্যাতারং কমপশ্য ইন্দ্র হৃদি যত্তে জঘ্নুষো ভীরগচ্ছৎ ।
নব চ যন্ নবতিং চ স্রবন্তীঃ শ্যেনো ন ভীতো অতরো রজাংসি ॥১৪॥

32.15

ইন্দ্রো যাতোঽবসিতস্য রাজা শমস্য চ শৃঙ্গিণো বজ্রবাহুঃ ।
সেদু রাজা ক্ষয়তি চর্ষণীনামরান্ ন নেমিঃ পরি তা বভূব ॥১৫॥