সূক্ত 23

23.1

২৪ মেধাতিথিঃ কাণ্বঃ। ১ বায়ুঃ, ২-৩ ইন্দ্র বায়ূ, ৪-৬ মিত্রাবরুণৌ, ৭-৯ ইন্দ্রো মরুত্বান্, ১০-১২ বিশ্বে দেবাঃ, ১৩-১৫ পূষা, ১৬-২২, ২৩(পূর্বার্ধস্য) আপঃ, ২৩(উত্তরার্ধস্য), ২৪ অগ্নিঃ। ১-১৮ গায়ত্রী, ১৯ পুর উষ্ণিক্, ২১ প্রতিষ্ঠা, ২০, ২২-২৪ অনুষ্টুপ্।॥

তীব্রাঃ সোমাস আ গহ্যাশীর্বন্তঃ সুতা ইমে । বায়ো তান্প্রস্থিতান্পিব ॥১॥

23.2

উভা দেবা দিবিস্পৃশেন্দ্রবায়ূ হবামহে । অস্য সোমস্য পীতয়ে ॥২॥

23.3

ইন্দ্রবায়ূ মনোজুবা বিপ্রা হবন্ত ঊতয়ে । সহস্রাক্ষা ধিয়স্পতী ॥৩॥

23.4

মিত্রং বয়ং হবামহে বরুণং সোমপীতয়ে । জজ্ঞানা পূতদক্ষসা ॥৪॥

23.5

ঋতেন যাবৃতাবৃধাবৃতস্য জ্যোতিষস্পতী । তা মিত্রাবরুণা হুবে ॥৫॥

23.6

বরুণঃ প্রাবিতা ভুবন্মিত্রো বিশ্বাভিরূতিভিঃ । করতাং নঃ সুরাধসঃ ॥৬॥

23.7

মরুত্বন্তং হবামহ ইন্দ্রমা সোমপীতয়ে । সজূর্গণেন তৃম্পতু ॥৭॥

23.8

ইন্দ্রজ্যেষ্ঠা মরুদ্গণা দেবাসঃ পূষরাতয়ঃ । বিশ্বে মম শ্রুতা হবম্ ॥৮॥

23.9

হত বৃত্রং সুদানব ইন্দ্রেণ সহসা যুজা । মা নো দুঃশংস ঈশত ॥৯॥

23.10

বিশ্বান্ দেবান্ হবামহে মরুতঃ সোমপীতয়ে । উগ্রা হি পৃশ্নিমাতরঃ ॥১০॥

23.11

জয়তামিব তন্যতুর্মরুতামেতি ধৃষ্ণুয়া । যচ্ছুভং যাথনা নরঃ ॥১১॥

23.12

হস্কারাদ্ বিদ্যুতস্পর্যঽতো জাতা অবন্তু নঃ । মরুতো মৃলয়ন্তু নঃ ॥১২॥

23.13

আ পূষঞ্চিত্রবর্হিষমাঘৃণে ধরুণং দিবঃ । আজা নষ্টং যথা পশুম্ ॥১৩॥

23.14

পূষা রাজানমাঘৃণিরপগূহ্লং গুহা হিতম্ । অবিন্দচ্চিত্রবর্হিষম্ ॥১৪॥

23.15

উতো স মহ্যমিন্দুভিঃ ষড্ যুক্তাঁ অনুসেষিধৎ । গোভির্যবং ন চর্কৃষৎ ॥১৫॥

23.16

অম্বয়ো যন্ত্যধ্বভির্জাময়ো অধ্বরীয়তাম্ । পৃঞ্চতীর্মধুনা পয়ঃ ॥১৬॥

23.17

অমূর্যা উপ সূর্যে যাভির্বা সূর্যঃ সহ । তা নো হিন্বন্ত্বধ্বরম্ ॥১৭॥

23.18

অপো দেবীরুপ হ্বয়ে যত্র গাবঃ পিবন্তি নঃ । সিন্ধুভ্যঃ কর্ত্বং হবিঃ ॥১৮॥

23.19

অপ্স্ব১ন্তরমৃতমপ্সু ভেষজমপামুত প্রশস্তয়ে । দেবা ভবত বাজিনঃ ॥১৯॥

23.20

অপ্সু মে সোমো অব্রবীদন্তর্বিশ্বানি ভেষজা । অগ্নিং চ বিশ্বশম্ভুবমাপশ্চ বিশ্বভেষজীঃ ॥২০॥

23.21

আপঃ পৃণীত ভেষজং বরূথং তন্বে ৩ মম । জ্যোক্ চ সূর্যং দৃশে ॥২১॥

23.22

ইদমাপঃ প্র বহত যৎ কিং চ দুরিতং ময়ি । যদ্ বাহমভিদুদ্রোহ যদ্বা শেপ উতানৃতম্ ॥২২॥

23.23

আপো অদ্যান্বচারিষং রসেন সমগস্মহি । পয়স্বানগ্ন আ গহি তং মা সং সৃজ বর্চসা ॥২৩॥

23.24

সং মাগ্নে বর্চসা সৃজ সং প্রজয়া সমায়ুষা । বিদ্যুর্মে অস্য দেবা ইন্দ্রো বিদ্যাৎ সহ ঋষিভিঃ ॥২৪॥