সূক্ত 176

176.1

৬ অগস্ত্যো মৈত্রাবরুণিঃ । ইন্দ্রঃ। অনুষ্টুপ্, ৬ ত্রিষ্টুপ্।

মত্সি নো বস্য ইষ্টয় ইন্দ্রমিন্দো বৃষা বিশ ।
ঋঘায়মাণ ইন্বসি শত্রুমন্তি ন বিন্দসি ॥১॥

176.2

তস্মিন্না বেশয়া গিরো য একশ্চর্ষণীনাম্ ।
অনু স্বধা যমুপ্যতে যবং ন চর্কৃষদ্ বৃষা ॥২॥

176.3

যস্য বিশ্বানি হস্তয়োঃ পঞ্চ ক্ষিতীনাং বসু ।
স্পাশয়স্ব যো অস্মধ্রুগ্দিব্যেবাশনির্জহি ॥৩॥

176.4

অসুন্বন্তং সমং জহি দূণাশং যো ন তে ময়ঃ ।
অস্মভ্যমস্য বেদনং দদ্ধি সূরিশ্চিদোহতে ॥৪॥

176.5

আবো যস্য দ্বিবর্হসোঽর্কেষু সানুষগসৎ ।
আজাবিন্দ্রস্যেন্দো প্রাবো বাজেষু বাজিনম্ ॥৫॥

176.6

যথা পূর্বেভ্যো জরিতৃভ্য ইন্দ্র ময় ইবাপো ন তৃষ্যতে বভূথ ।
তামনু ত্বা নিবিদং জোহবীমি বিদ্যামেষং বৃজনং জীরদানুম্ ॥৬॥