সূক্ত 174

174.1

১০ অগস্ত্যো মৈত্রাবরুণিঃ । ইন্দ্রঃ। ত্রিষ্টুপ্।

ত্বং রাজেন্দ্র যে চ দেবা রক্ষা নৄন্ পাহ্যসুর ত্বমস্মান্ ।
ত্বং সত্পতির্মঘবা নস্তরুত্রস্ত্বং সত্যো বসবানঃ সহোদাঃ ॥১॥

174.2

দনো বিশ ইন্দ্র মৃধ্রবাচঃ সপ্ত যৎ পুরঃ শর্ম শারদীর্দর্ৎ ।
ঋণোরপো অনবদ্যার্ণা যূনে বৃত্রং পুরুকুত্সায় রন্ধীঃ ॥২॥

174.3

অজা বৃত ইন্দ্র শূরপত্নীর্দ্যাং চ যেভিঃ পুরুহূত নূনম্ ।
রক্ষো অগ্নিমশুষং তূর্বয়াণং সিংহো ন দমে অপাংসি বস্তোঃ ॥৩॥

174.4

শেষন্ নু ত ইন্দ্র সস্মিন্ যোনৌ প্রশস্তয়ে পবীরবস্য মহ্না ।
সৃজদর্ণাংস্যব যদ্ যুধাগাস্তিষ্ঠদ্ধরী ধৃষতা মৃষ্ট বাজান্ ॥৪॥

174.5

বহ কুত্সমিন্দ্র যস্মিঞ্চাকন্ ত্স্যূমন্যূ ঋজ্রা বাতস্যাশ্বা ।
প্র সূরশ্চক্রং বৃহতাদভীকে ঽভি স্পৃধো যাসিষদ্ বজ্রবাহুঃ ॥৫॥

174.6

জঘন্বাঁ ইন্দ্র মিত্রেরূঞ্চোদপ্রবৃদ্ধো হরিবো অদাশূন্ ।
প্র যে পশ্যন্নর্যমণং সচায়োস্ত্বয়া শূর্তা বহমানা অপত্যম্ ॥৬॥

174.7

রপৎ কবিরিন্দ্রার্কসাতৌ ক্ষাং দাসায়োপবর্হণীং কঃ ।
করৎ তিস্রো মঘবা দানুচিত্রা নি দুর্যোণে কুয়বাচং মৃধি শ্রেৎ ॥৭॥

174.8

সনা তা ত ইন্দ্র নব্যা আগুঃ সহো নভোঽবিরণায় পূর্বীঃ ।
ভিনৎ পুরো ন ভিদো অদেবীর্ননমো বধরদেবস্য পীয়োঃ ॥৮॥

174.9

ত্বং ধুনিরিন্দ্র ধুনিমতীর্ঋণোরপঃ সীরা ন স্রবন্তীঃ ।
প্র যৎ সমুদ্রমতি শূর পর্ষি পারয়া তুর্বশং যদুং স্বস্তি ॥৯॥

174.10

ত্বমস্মাকমিন্দ্র বিশ্বধ স্যা অবৃকতমো নরাং নৃপাতা ।
স নো বিশ্বাসাং স্পৃধাং সহোদা বিদ্যামেষং বৃজনং জীরদানুম্ ॥১০॥