সূক্ত 173

173.1

১৩ অগস্ত্যো মৈত্রাবরুণিঃ । ইন্দ্রঃ। ত্রিষ্টুপ্, ৪ বিরাট্ স্থানা, বিষমপদা বা।

গায়ৎ সাম নভন্যং১ যথা বেরর্চাম তদ্ বাবৃধানং স্বর্বৎ ।
গাবো ধেনবো বর্হিষ্যদব্ধা আ যৎ সদ্মানং দিব্যং বিবাসান্ ॥১॥

অর্চদ্ বৃষা বৃষভিঃ স্বেদুহব্যৈর্মৃগো নাশ্নো অতি যজ্জুগুর্যাৎ ।
প্র মন্দয়ুর্মনাং গূর্ত হোতা ভরতে মর্যো মিথুনা যজত্রঃ ॥২॥

নক্ষদ্ধোতা পরি সদ্ম মিতা যন্ ভরদ্ গর্ভমা শরদঃ পৃথিব্যাঃ ।
ক্রন্দদশ্বো নয়মানো রুবদ্ গৌরন্তর্দূতো ন রোদসী চরদ্ বাক্ ॥৩॥

তা কর্মাষতরাস্মৈ প্র চ্যৌত্নানি দেবয়ন্তো ভরন্তে ।
জুজোষদিন্দ্রো দস্মবর্চা নাসত্যেব সুগ্ম্যো রথেষ্ঠাঃ ॥৪॥

তমু ষ্টুহীন্দ্রং যো হ সত্বা যঃ শূরো মঘবা যো রথেষ্ঠাঃ ।
প্রতীচশ্চিদ্ যোধীয়ান্ বৃষণ্বান্ ববব্রুষশ্চিত্তমসো বিহন্তা ॥৫॥

প্র যদিত্থা মহিনা নৃভ্যো অস্ত্যরং রোদসী কক্ষ্যে৩ নাস্মৈ ।
সং বিব্য ইন্দ্রো বৃজনং ন ভূমা ভর্তি স্বধাবাঁ ওপশমিব দ্যাম্ ॥৬॥

সমত্সু ত্বা শূর সতামুরাণং প্রপথিন্তমং পরিতংসয়ধ্যৈ ।
সজোষস ইন্দ্রং মদে ক্ষোণীঃ সূরিং চিদ্যে অনুমদন্তি বাজৈঃ ॥৭॥

এবা হি তে শং সবনা সমুদ্র আপো যৎ ত আসু মদন্তি দেবীঃ ।
বিশ্বা তে অনু জোষ্যা ভূদ্ গৌঃ সূরীঁশ্চিদ্ যদি ধিষা বেষি জনান্ ॥৮॥

অসাম যথা সুষখায় এন স্বভিষ্টয়ো নরাং ন শংসৈঃ ।
অসদ্ যথা ন ইন্দ্রো বন্দনেষ্ঠাস্তুরো ন কর্ম নয়মান উক্থা ॥৯॥

বিষ্পর্ধসো নরাং ন শংসৈরস্মাকাসদিন্দ্রো বজ্রহস্তঃ ।
মিত্রায়ুবো ন পূর্পতিং সুশিষ্টৌ মধ্যায়ুব উপ শিক্ষন্তি যজ্ঞৈঃ ॥১০॥

যজ্ঞো হি ষ্মেন্দ্রং কশ্চিদৃন্ধঞ্জুহুরাণশ্চিন্মনসা পরিয়ন্ ।
তীর্থে নাচ্ছা তাতৃষাণমোকো দীর্ঘো ন সিধ্রমা কৃণোত্যধ্বা ॥১১॥

মো ষূ ণ ইন্দ্রাত্র পৃত্সু দেবৈরস্তি হি ষ্মা তে শুষ্মিন্নবয়াঃ ।
মহশ্চিদ্ যস্য মীলহুষো যব্যা হবিষ্মতো মরুতো বন্দতে গীঃ ॥১২॥

এষ স্তোম ইন্দ্র তুভ্যমস্মে এতেন গাতুং হরিবো বিদো নঃ ।
আ নো ববৃত্যাঃ সুবিতায় দেব বিদ্যামেষং বৃজনং জীরদানুম্ ॥১৩॥