সূক্ত 161

161.1

১৪ দীর্ঘতমা ঔচথ্যঃ। ঋভবঃ।জগতী, ১৪ ত্রিষ্টুপ্।

কিমু শ্রেষ্ঠঃ কিং যবিষ্ঠো ন আজগন্ কিমীয়তে দূত্যং ১ কদ্ যদূচিম ।
ন নিন্দিম চমসং যো মহাকুলো ঽগ্নে ভ্রাতর্দ্রুণ ইদ্ ভূতিমূদিম ॥১॥

একং চমসং চতুরঃ কৃণোতন তদ্বো দেবা অব্রুবন্ তদ্ব আগমম্ ।
সৌধন্বনা যদ্যেবা করিষ্যথ সাকং দেবৈর্যজ্ঞিয়াসো ভবিষ্যথ ॥২॥

অগ্নিং দূতং প্রতি যদব্রবীতনাশ্বঃ কর্ত্বো রথ উতেহ কর্ত্বঃ ।
ধেনুঃ কর্ত্বা যুবশা কর্ত্বা দ্বা তানি ভ্রাতরনু বঃ কৃত্ব্যেমসি ॥৩॥

চকৃবাংস ঋভবস্তদপৃচ্ছত ক্বেদভূদ্ যঃ স্য দূতো ন আজগন্ ।
যদাবাখ্যচ্চমসাঞ্চতুরঃ কৃতানাদিৎ ত্বষ্টা গ্নাস্বন্তর্ন্যানজে ॥৪॥

হনামৈনাঁ ইতি ত্বষ্টা যদব্রবীচ্চমসং যে দেবপানমনিন্দিষুঃ ।
অন্যা নামানি কৃণ্বতে সুতে সচাঁ অন্যৈরেনান্কন্যা ৩ নামভিঃ স্পরৎ ॥৫॥

ইন্দ্রো হরী যুয়ুজে অশ্বিনা রথং বৃহস্পতির্বিশ্বরূপামুপাজত ।
ঋভুর্বিভ্বা বাজো দেবাঁ অগচ্ছত স্বপসো যজ্ঞিয়ং ভাগমৈতন ॥৬॥

নিশ্চর্মণো গামরিণীত ধীতিভির্যা জরন্তা যুবশা তাকৃণোতন ।
সৌধন্বনা অশ্বাদশ্বমতক্ষত যুক্ত্বা রথমুপ দেবাঁ অয়াতন ॥৭॥

ইদমুদকং পিবতেত্যব্রবীতনেদং বা ঘা পিবতা মুঞ্জনেজনম্ ।
সৌধন্বনা যদি তন্নেব হর্যথ তৃতীয়ে ঘা সবনে মাদয়াধ্বৈ ॥৮॥

আপো ভূয়িষ্ঠা ইত্যেকো অব্রবীদগ্নির্ভূয়িষ্ঠ ইত্যন্যো অব্রবীৎ ।
বধর্যন্তীং বহুভ্যঃ প্রৈকো অব্রবীদৃতা বদন্তশ্চমসাঁ অপিংশত ॥৯॥

শ্রোণামেক উদকং গামবাজতি মাংসমেকঃ পিংশতি সূনয়াভৃতম্ ।
আ নিম্রুচঃ শকৃদেকো অপাভরৎ কিং স্বিৎ পুত্রেভ্যঃ পিতরা উপাবতুঃ ॥১০॥

উদ্বত্স্বস্মা অকৃণোতনা তৃণং নিবত্স্বপঃ স্বপস্যয়া নরঃ ।
অগোহ্যস্য যদসস্তনা গৃহে তদদ্যেদমৃভবো নানু গচ্ছথ ॥১১॥

সম্মীল্য যদ্ ভুবনা পর্যসর্পত ক্ব স্বিৎ তাত্যা পিতরা ব আসতুঃ ।
অশপত যঃ করস্নং ব আদদে যঃ প্রাব্রবীৎ প্রো তস্মা অব্রবীতন ॥১২॥

সুষুপ্বাংস ঋভবস্তদপৃচ্ছতাগোহ্য ক ইদং নো অবূবুধৎ ।
শ্বানং বস্তো বোধয়িতারমব্রবীৎ সংবত্সর ইদমদ্যা ব্যখ্যত ॥১৩॥

দিবা যান্তি মরুতো ভূম্যাগ্নিরয়ং বাতো অন্তরিক্ষেণ যাতি ।
অদ্ভির্যাতি বরুণঃ সমুদ্রৈর্যুষ্মাঁ ইচ্ছন্তঃ শবসো নপাতঃ ॥১৪॥