সূক্ত 160

160.1

৫ দীর্ঘতমা ঔচথ্যঃ। দ্যাবাপৃথিবী। জগতী।

তে হি দ্যাবাপৃথিবী বিশ্বশম্ভুব ঋতাবরী রজসো ধারয়ত্কবী ।
সুজন্মনী ধিষণে অন্তরীয়তে দেবো দেবী ধর্মণা সূর্যঃ শুচিঃ ॥১॥

160.2

উরুব্যচসা মহিনী অসশ্চতা পিতা মাতা চ ভুবনানি রক্ষতঃ ।
সুধৃষ্টমে বপুষ্যে ৩ ন রোদসী পিতা যৎ সীমভি রূপৈরবাসয়ৎ ॥২॥

160.3

স বহ্নিঃ পুত্রঃ পিত্রোঃ পবিত্রবান্ পুনাতি ধীরো ভুবনানি মায়য়া ।
ধেনুং চ পৃশ্নিং বৃষভং সুরেতসং বিশ্বাহা শুক্রং পয়ো অস্য দুক্ষত ॥৩॥

160.4

অয়ং দেবানামপসামপস্তমো যো জজান রোদসী বিশ্বশম্ভুবা ।
বি যো মমে রজসী সুক্রতূয়য়া ঽজরেভিঃ স্কম্ভনেভিঃ সমানৃচে ॥৪॥

160.5

তে নো গৃণানে মহিনী মহি শ্রবঃ ক্ষত্রং দ্যাবাপৃথিবী ধাসথো বৃহৎ ।
যেনাভি কৃষ্টীস্ততনাম বিশ্বহা পনায্যমোজো অস্মে সমিন্বতম্ ॥৫॥