সূক্ত 158

158.1

৬ দীর্ঘতমা ঔচথ্যঃ। অশ্বিনৌ।ত্রিষ্টুপ্, ৬ অনুষ্টুপ্।

বসূ রুদ্রা পুরুমন্তূ বৃধন্তা দশস্যতং নো বৃষণাবভিষ্টৌ ।
দস্রা হ যদ্ রেক্ণ ঔচথ্যো বাং প্র যৎ সস্রাথে অকবাভিরূতী ॥১॥

158.2

কো বাং দাশৎ সুমতয়ে চিদস্যৈ বসূ যদ্ ধেথে নমসা পদে গোঃ ।
জিগৃতমস্মে রেবতীঃ পুরংধীঃ কামপ্রেণেব মনসা চরন্তা ॥২॥

158.3

যুক্তো হ যদ্ বাং তৌগ্র্যায় পেরুর্বি মধ্যে অর্ণসো ধায়ি পজ্রঃ ।
উপ বামবঃ শরণং গমেয়ং শূরো নাজ্ম পতয়দ্ভিরেবৈঃ ॥৩॥

158.4

উপস্তুতিরৌচথ্যমুরুষ্যেন্মা মামিমে পতত্রিণী বি দুগ্ধাম্ ।
মা মামেধো দশতয়শ্চিতো ধাক্ প্র যদ্ বাং বদ্ধস্ত্মনি খাদতি ক্ষাম্ ॥৪॥

158.5

ন মা গরন্ নদ্যো মাতৃতমা দাসা যদীং সুসমুব্ধমবাধুঃ ।
শিরো যদস্য ত্রৈতনো বিতক্ষৎ স্বয়ং দাস উরো অংসাবপি গ্ধ ॥৫॥

158.6

দীর্ঘতমা মামতেয়ো জুজুর্বান্ দশমে যুগে ।
অপামর্থং যতীনাং ব্রহ্মা ভবতি সারথিঃ ॥৬॥