সূক্ত 151

151.1

৯ দীর্ঘতমা ঔচথ্যঃ। ১ মিত্রঃ, ২-৯ মিত্রাবরুণৌ। জগতী।

মিত্রং ন যং শিম্যা গোষু গব্যবঃ স্বাধ্যো বিদথে অপ্সু জীজনন্ ।
অরেজেতাং রোদসী পাজসা গিরা প্রতি প্রিয়ং যজতং জনুষামবঃ ॥১॥

151.2

যদ্ধ ত্যদ্ বাং পুরুমীলহস্য সোমিনঃ প্র মিত্রাসো ন দধিরে স্বাভুবঃ ।
অধ ক্রতুং বিদতং গাতুমর্চত উত শ্রুতং বৃষণা পস্ত্যাবতঃ ॥২॥

151.3

আ বাং ভূষন্ ক্ষিতয়ো জন্ম রোদস্যোঃ প্রবাচ্যং বৃষণা দক্ষসে মহে ।
যদীমৃতায় ভরথো যদর্বতে প্র হোত্রয়া শিম্যা বীথো অধ্বরম্ ॥৩॥

151.4

প্র সা ক্ষিতিরসুর যা মহি প্রিয় ঋতাবানাবৃতমা ঘোষথো বৃহৎ ।
যুবং দিবো বৃহতো দক্ষমাভুবং গাং ন ধুর্যুপ যুঞ্জাথে অপঃ ॥৪॥

151.5

মহী অত্র মহিনা বারমৃণ্বথো ঽরেণবস্তুজ আ সদ্মন্ ধেনবঃ ।
স্বরন্তি তা উপরতাতি সূর্যমা নিম্রুচ উষসস্তক্ববীরিব ॥৫॥

151.6

আ বামৃতায় কেশিনীরনূষত মিত্র যত্র বরুণ গাতুমর্চথঃ ।
অব ত্মনা সৃজতং পিন্বতং ধিয়ো যুবং বিপ্রস্য মন্মনামিরজ্যথঃ ॥৬॥

151.7

যো বাং যজ্ঞৈঃ শশমানো হ দাশতি কবির্হোতা যজতি মন্মসাধনঃ ।
উপাহ তং গচ্ছথো বীথো অধ্বরমচ্ছা গিরঃ সুমতিং গন্তমস্ময়ূ ॥৭॥

151.8

যুবাং যজ্ঞৈঃ প্রথমা গোভিরঞ্জত ঋতাবানা মনসো ন প্রয়ুক্তিষু ।
ভরন্তি বাং মন্মনা সংয়তা গিরো ঽদৃপ্যতা মনসা রেবদাশাথে ॥৮॥

151.9

রেবদ্ বয়ো দধাথে রেবদাশাথে নরা মায়াভিরিতঊতি মাহিনম্ ।
ন বাং দ্যাবোঽহভির্নোত সিন্ধবো ন দেবত্বং পণয়ো নানশুর্মঘম্ ॥৯॥