সূক্ত 15

15.1

১২ মেধাতিথিঃ কাণ্বঃ। (প্রতিদৈবতং ঋতুসহিতম্), ১ ইন্দ্রঃ, ২ মরুতঃ, ৩ ত্বষ্টা, ৪ অগ্নিঃ, ৫ ইন্দ্রঃ, ৬ মিত্রাবরুণৌ, ৭-১০ দ্রবিণোদাঃ, ১১ অশ্বিনৌ, ১২অগ্নিঃ। গায়ত্রী।

ইন্দ্র সোমং পিব ঋতুনা ঽঽ ত্বা বিশন্ত্বিন্দবঃ । মত্সরাসস্তদোকসঃ ॥১॥

15.2

মরুতঃ পিবত ঋতুনা পোত্রাদ্ যজ্ঞং পুনীতন । যূয়ং হি ষ্ঠা সুদানবঃ ॥২॥

15.3

অভি যজ্ঞং গৃণীহি নো গ্নাবো নেষ্টঃ পিব ঋতুনা । ত্বং হি রত্নধা অসি ॥৩॥

15.4

অগ্নে দেবাঁ ইহা বহ সাদয়া যোনিষু ত্রিষু । পরি ভূষ পিব ঋতুনা ॥৪॥

15.5

ব্রাহ্মণাদিন্দ্র রাধসঃ পিবা সোমমৃতূঁরনু । তবেদ্ধি সখ্যমস্তৃতম্ ॥৫॥

15.6

যুবং দক্ষং ধৃতব্রত মিত্রাবরুণ দূলভম্ । ঋতুনা যজ্ঞমাশাথে ॥৬॥

15.7

দ্রবিণোদা দ্রবিণসো গ্রাবহস্তাসো অধ্বরে । যজ্ঞেষু দেবমীলতে ॥৭॥

15.8

দ্রবিণোদা দদাতু নো বসূনি যানি শৃণ্বিরে । দেবেষু তা বনামহে ॥৮॥

15.9

দ্রবিণোদাঃ পিপীষতি জুহোত প্র চ তিষ্ঠত । নেষ্ট্রাদৃতুভিরিষ্যত ॥৯॥

15.10

যৎ ত্বা তুরীয়মৃতুভির্দ্রবিণোদো যজামহে । অধ স্মা নো দদির্ভব ॥১০॥

15.11

অশ্বিনা পিবতং মধু দীদ্যগ্নী শুচিব্রতা । ঋতুনা যজ্ঞবাহসা ॥১১॥

15.12

গার্হপত্যেন সন্ত্য ঋতুনা যজ্ঞনীরসি । দেবান্ দেবয়তে যজ ॥১২॥