সূক্ত 120

120.1

১২ কক্ষীবান্ দৈর্ঘতমস ঔশিজঃ। অশ্বিনৌ। (১২ দুঃস্বপ্ননাশনম্) ।১ গায়ত্রী, ২ ককুপ্, ৩ কা- বিরাট্, ৪ নষ্টরূপী, ৫ তনুশিরা, ৬ উষ্ণিক্, ৭ বিষ্টার-বৃহতী, ৮ কৃতিঃ, ৯ বিরাট্, ১০-১২ গায়ত্রী।

কা রাধদ্ধোত্রাশ্বিনা বাং কো বাং জোষ উভয়োঃ । কথা বিধাত্যপ্রচেতাঃ ॥১॥

120.2

বিদ্বাংসাবিদ্ দুরঃ পৃচ্ছেদবিদ্বানিত্থাপরো অচেতাঃ । নূ চিন্নু মর্তে অক্রৌ ॥২॥

120.3

তা বিদ্বাংসা হবামহে বাং তা নো বিদ্বাংসা মন্ম বোচেতমদ্য । প্রার্চদ্ দয়মানো যুবাকুঃ ॥৩॥

120.4

বি পৃচ্ছামি পাক্যা ৩ ন দেবান্ বষট্কৃতস্যাদ্ভুতস্য দস্রা । পাতং চ সহ্যসো যুবং চ রভ্যসো নঃ ॥৪॥

120.5

প্র যা ঘোষে ভৃগবাণে ন শোভে যয়া বাচা যজতি পজ্রিয়ো বাম্ । প্রৈষয়ুর্ন বিদ্বান্ ॥৫॥

120.6

শ্রুতং গায়ত্রং তকবানস্যাহং চিদ্ধি রিরেভাশ্বিনা বাম্ । আক্ষী শুভস্পতী দন্ ॥৬॥

120.7

যুবং হ্যাস্তং মহো রন্ যুবং বা যন্নিরততংসতম্ । তা নো বসূ সুগোপা স্যাতং পাতং নো বৃকাদঘায়োঃ ॥৭॥

120.8

মা কস্মৈ ধাতমভ্যমিত্রিণে নো মাকুত্রা নো গৃহেভ্যো ধেনবো গুঃ । স্তনাভুজো অশিশ্বীঃ ॥৮॥

120.9

দুহীয়ন্ মিত্রধিতয়ে যুবাকু রায়ে চ নো মিমীতং বাজবত্যৈ । ইষে চ নো মিমীতং ধেনুমত্যৈ ॥৯॥

120.10

অশ্বিনোরসনং রথমনশ্বং বাজিনীবতোঃ । তেনাহং ভূরি চাকন ॥১০॥

120.11

অয়ং সমহ মা তনূহ্যাতে জনাঁ অনু । সোমপেয়ং সুখো রথঃ ॥১১॥

120.12

অধ স্বপ্নস্য নির্বিদে ঽভুঞ্জতশ্চ রেবতঃ । উভা তা বস্রি নশ্যতঃ ॥১২॥