সূক্ত 116

116.1

২৫ কক্ষীবান্ দৈর্ঘতমস ঔশিজঃ। অশ্বিনৌ। ত্রিষ্টুপ্।

নাসত্যাভ্যাং বর্হিরিব প্র বৃঞ্জে স্তোমাঁ ইয়র্ম্যভ্রিয়েব বাতঃ ।
যাবর্ভগায় বিমদায় জায়াং সেনাজুবা ন্যূহতূ রথেন ॥১॥

116.2

বীলুপত্মভিরাশুহেমভির্বা দেবানাং বা জূতিভিঃ শাশদানা ।
তদ্ রাসভো নাসত্যা সহস্রমাজা যমস্য প্রধনে জিগায় ॥২॥

116.3

তুগ্রো হ ভুজ্যুমশ্বিনোদমেঘে রয়িং ন কশ্চিন্মমৃবাঁ অবাহাঃ ।
তমূহথুর্নৌভিরাত্মন্বতীভিরন্তরিক্ষপ্রুদ্ভিরপোদকাভিঃ ॥৩॥

116.4

তিস্রঃ ক্ষপস্ত্রিরহাতিব্রজদ্ভির্নাসত্যা ভুজ্যুমূহথুঃ পতংগৈঃ ।
সমুদ্রস্য ধন্বন্নার্দ্রস্য পারে ত্রিভী রথৈঃ শতপদ্ভিঃ ষলশ্বৈঃ ॥৪॥

116.5

অনারম্ভণে তদবীরয়েথামনাস্থানে অগ্রভণে সমুদ্রে ।
যদশ্বিনা ঊহথুর্ভুজ্যুমস্তং শতারিত্রাং নাবমাতস্থিবাংসম্ ॥৫॥

116.6

যমশ্বিনা দদথুঃ শ্বেতমশ্বমঘাশ্বায় শশ্বদিৎ স্বস্তি ।
তদ্ বাং দাত্রং মহি কীর্তেন্যং ভূৎ পৈদ্বো বাজী সদমিদ্ধব্যো অর্যঃ ॥৬॥

116.7

যুবং নরা স্তুবতে পজ্রিয়ায় কক্ষীবতে অরদতং পুরংধিম্ ।
কারোতরাচ্ছফাদশ্বস্য বৃষ্ণঃ শতং কুম্ভাঁ অসিঞ্চতং সুরায়াঃ ॥৭॥

116.8

হিমেনাগ্নিং ঘ্রংসমবারয়েথাং পিতুমতীমূর্জমস্মা অধত্তম্ ।
ঋবীসে অত্রিমশ্বিনাবনীতমুন্নিন্যথুঃ সর্বগণং স্বস্তি ॥৮॥

116.9

পরাবতং নাসত্যানুদেথামুচ্চাবুধ্নং চক্রথুর্জিহ্মবারম্ ।
ক্ষরন্নাপো ন পায়নায় রায়ে সহস্রায় তৃষ্যতে গোতমস্য ॥৯॥

116.10

জুজুরুষো নাসত্যোত বব্রিং প্রামুঞ্চতং দ্রাপিমিব চ্যবানাৎ ।
প্রাতিরতং জহিতস্যায়ুর্দস্রাদিৎ পতিমকৃণুতং কনীনাম্ ॥১০॥

116.11

তদ্ বাং নরা শংস্যং রাধ্যং চাভিষ্টিমন্নাসত্যা বরূথম্ ।
যদ্ বিদ্বাংসা নিধিমিবাপগূহ্লমুদ্ দর্শতাদূপথুর্বন্দনায় ॥১১॥

116.12

তদ্ বাং নরা সনয়ে দংস উগ্রমাবিষ্কৃণোমি তন্যতুর্ন বৃষ্টিম্ ।
দধ্যঙ্ হ যন্মধ্বাথর্বণো বামশ্বস্য শীর্ষ্ণা প্র যদীমুবাচ ॥১২॥

116.13

অজোহবীন্নাসত্যা করা বাং মহে যামন্ পুরুভুজা পুরংধিঃ ।
শ্রুতং তচ্ছাসুরিব বধ্রিমত্যা হিরণ্যহস্তমশ্বিনাবদত্তম্ ॥১৩॥

116.14

আস্নো বৃকস্য বর্তিকামভীকে যুবং নরা নাসত্যামুমুক্তম্ ।
উতো কবিং পুরুভুজা যুবং হ কৃপমাণমকৃণুতং বিচক্ষে ॥১৪॥

116.15

চরিত্রং হি বেরিবাচ্ছেদি পর্ণমাজা খেলস্য পরিতক্ম্যায়াম্ ।
সদ্যো জঙ্ঘামায়সীং বিশ্পলায়ৈ ধনে হিতে সর্তবে প্রত্যধত্তম্ ॥১৫॥

116.16

শতং মেষান্ বৃক্যে চক্ষদানমৃজ্রাশ্বং তং পিতান্ধং চকার ।
তস্মা অক্ষী নাসত্যা বিচক্ষ আধত্তং দস্রা ভিষজাবনর্বন্ ॥১৬॥

116.17

আ বাং রথং দুহিতা সূর্যস্য কার্ষ্মেবাতিষ্ঠদর্বতা জয়ন্তী ।
বিশ্বে দেবা অন্বমন্যন্ত হৃদ্ভিঃ সমু শ্রিয়া নাসত্যা সচেথে ॥১৭॥

116.18

যদয়াতং দিবোদাসায় বর্তির্ভরদ্বাজায়াশ্বিনা হয়ন্তা ।
রেবদুবাহ সচনো রথো বাং বৃষভশ্চ শিংশুমারশ্চ যুক্তা ॥১৮॥

116.19

রয়িং সুক্ষত্রং স্বপত্যমায়ুঃ সুবীর্যং নাসত্যা বহন্তা ।
আ জহ্নাবীং সমনসোপ বাজৈস্ত্রিরহ্নো ভাগং দধতীময়াতম্ ॥১৯॥

116.20

পরিবিষ্টং জাহুষং বিশ্বতঃ সীং সুগেভির্নক্তমূহথূ রজোভিঃ ।
বিভিন্দুনা নাসত্যা রথেন বি পর্বতাঁ অজরয়ূ অয়াতম্ ॥২০॥

116.21

একস্যা বস্তোরাবতং রণায় বশমশ্বিনা সনয়ে সহস্রা ।
নিরহতং দুচ্ছুনা ইন্দ্রবন্তা পৃথুশ্রবসো বৃষণাবরাতীঃ ॥২১॥

116.22

শরস্য চিদার্চত্কস্যাবতাদা নীচাদুচ্চা চক্রথুঃ পাতবে বাঃ ।
শয়বে চিন্নাসত্যা শচীভির্জসুরয়ে স্তর্যং পিপ্যথুর্গাম্ ॥২২॥

116.23

অবস্যতে স্তুবতে কৃষ্ণিয়ায় ঋজূয়তে নাসত্যা শচীভিঃ ।
পশুং ন নষ্টমিব দর্শনায় বিষ্ণাপ্বং দদথুর্বিশ্বকায় ॥২৩॥

116.24

দশ রাত্রীরশিবেনা নব দ্যূনবনদ্ধং শ্নথিতমপ্স্ব ১ন্তঃ ।
বিপ্রুতং রেভমুদনি প্রবৃক্তমুন্নিন্যথুঃ সোমমিব স্রুবেণ ॥২৪॥

116.25

প্র বাং দংসাংস্যশ্বিনাববোচমস্য পতিঃ স্যাং সুগবঃ সুবীরঃ ।
উত পশ্যন্নশ্নুবন্ দীর্ঘমায়ুরস্তমিবেজ্জরিমাণং জগম্যাম্ ॥২৫॥